web counter
LEXO PA REKLAMA!

SHKARKO APP

App Store
Google Play

Banka e Shqipërisë mban të pandryshuar normën bazë të interesit

2025-12-17 18:13:00, Ekonomi CNA

Banka e Shqipërisë mban të pandryshuar normën bazë

Këshilli Mbikëqyrës i Bankës së Shqipërisë vendosi sot të mbajë të pandryshuar normën bazë të interesit, në nivelin 2.5%.

Po ashtu, u vendos të mbahet e pandryshuar norma e interesit të depozitës njëditore, në nivelin 1.5% dhe normën e interesit të kredisë njëditore, në nivelin 3.5%.

Këshilli Mbikëqyrës gjykon se qëndrimi aktual i politikës monetare mbetet i përshtatshëm për përmbushjen e objektivit të stabilitetit të çmimeve.

Siç bëhet me dija nga Banka e Shqipërisë lidhur me këtë vendim, Këshilli Mbikëqyrës vëren se balanca e përgjithshme e presioneve afatmesme po afrohet gradualisht drejt objektivit të inflacionit, zhvillim i cili do të gjejë një faktorizim në rritje në vendimmarrjen e ardhshme.

Megjithatë, vendimet e politikës monetare do të vijojnë të kushtëzohen në çdo rast nga informacioni i ri, dhe në veçanti nga analizat dhe vlerësimet mbi ecurinë e presioneve të brendshme inflacioniste. Këto vendime do të jenë gjithnjë në përputhje me objektivin e stabilitetit të çmimeve, konsistente me kahun e politikës fiskale dhe ecurinë e kursit të këmbimit në vend, si dhe me zhvillimet potenciale në tregjet ndërkombëtare dhe partnerët e huaj tregtarë./CNA





Lajmet e fundit nga