Sazani, zonë turistike me stilin e lopës

2024-03-18 19:53:00, Editorial CNA

Kryeministri Rama pas një publikimi të bërë në mediat amerikane konfirmoi se, dhëndri i Donald Trump, Jared Kushner ka bërë një projekt konkret dhe një propozim qeverisë shqiptare në lidhje me dy investime në Sazan dhe në Zvërnec.

Dhëndri i Trump-it, investime në Shqipëri/ Rama u përgjigjet kritikëve: Delirantë!
17 Mars, 12:14

Në fakt ishulli i Sazanit ka ngelur i pazhvilluar që nga koha e diktaturës ku shërbente si pikë strategjike ushtarake pas viteve ‘90 pas largimit të oficerëve dhe ushtarëve, ajo pikë shërben shpeh për pak turizëm, për një fluks të vogël në fakt që shkon shpesh dhe viziton atë ishull të shkretë dhe të braktisur, i cili në më shumë se 30 vjet nuk i ka dhënë asgjë ekonomisë shqiptare.

Dhëndri i Trump investime në Jug të Shqipërisë/ New York Times zbulon detaje nga projektet
15 Mars, 21:31

Shpesh ka patur argumenta mungesa e ujit, pikë strategjike, zonë e mbrojtur e të tjera si këto.

Në fakt Sazani është një perlë e shfrytëzueshme për turizmin dhe projekte të tilla të propozuara për ishullin duhet të jenë jo vetëm të mirëpritura por dhe shumë aprovuara.

Pra, duhet të kenë një konsensus të gjerë dhe një mbështetje për zhvillimin e tyre.

Ardhja e investitorëve të tillë strategjik dhe zhvillimi i këtyre zonave sjell më shumë zhvillim për vendin, sjell më shumë zhvillim për ekonominë dhe e bën Shqipërinë edhe më të sigurt , edhe më të bukur, edhe më turistike.

Por siç ndodh rëndomë në Shqipëri, varianti lopës është më kryesori në të tilla raste.

Përveç intrigave dhe pisllëqeve politike të bëra nga maksarenj mediatikë dhe sharlatanë publikë, varianti më i bukur është ai i lopës.

Dihet barcoleta e vjetër ku dy shqiptarë ishin para Zotit. I pari ku zoti i tha çfarë kërkon kur u shfaq ai tha: dua një lopë. Dhe i dyti kur zoti i tha çfarë kërkon, i tha çfarë mori ai i mëparëshmi, një lopë i tha. Hiqja atij dhe unë s’dua gjë.

Ky është stili që po sillen tashmë shumica e atyre që gjoja janë kritikë apo të tjerëve që pretendojnë se janë këshilltarët kryesorë nga Shqipëria që kanë ndihmuar dhëndrin e ish Presidentit Trump për të ardhur në Shqipëri.

Se ka dhe të tillë idiotë në qarkullim. Por gjithsesi kjo pjesa e lopës është më e rëndësishme. Më mirë të mos bëhet fare Sazani e të tjera si këto.

Në fakt Sazani duhet të zhvillohet.

Mund të ketë pretendime mbi qokat politike të kryeministrit pasi mund të bëhet me procedura të hapura, duhet të ketë tendera të hapur ndërkombëtar, duhet të ketë oferta, garë e të tjera si këto.E rëndësishme është që Sazani të zhvillohet.

Këto janë pjesë e një debati politik që përsa kohë nuk ka shkelje ligjore mund të diskutohet dhe debatohet në nivele politike, teknalitetet por, të gjithë duhet të jenë të një parimi, Sazani duhet të zhvillohet. Mund të bëhet një ishull turistik, me resorte, kazino apo çfarëdo lloj infrasturkture të mundshme që sjell investime që punëson njerëz dhe që i sjell shtetit shqiptar të ardhura nga taksat.

Puna e lopës me gjithollogët e përditshëm të politikës dhe me intrigantët e fëlliqur mediatikë nuk i vlejnë kujt.

E rëndësishme është që Shqipëria të fitojë nga Sazani kohën e humbur të 30 e ca viteve ku nuk ka investuar asgjë dhe Sazani nuk i ka dhënë asgjë./ CNA