web counter
LEXO PA REKLAMA!

SHKARKO APP

App Store
Google Play

Dhëndri i Trump-it, investime në Shqipëri/ Rama u përgjigjet kritikëve: Delirantë!

17 Mars 2024, 12:13, Politikë CNA
Dhëndri i Trump-it, investime në Shqipëri/ Rama u përgjigjet
Kryeministri Edi Rama

Kryeministri Edi Rama u ndal gjatë fjalës së tij në Asamblenë e PS-së tek investimet që Jared Kushner, dhëndri i ish-presidentit Donald Trump, do të bëjë në Shqipëri.

Rama tha se Kushner do të investojë në dy projekte të mëdha turistike në Shqipëri.

Në përgjigje të kritikëve të projekteve të dhëndrit të Trump-it, kreu i qeverisë tha se disa persona po delirojnë për rrezikun e shkatërrimit të një parku kombëtar imagjinar.

Sipas tij, ky park nuk ka qenë kurrë zonë e mbrojtur, por është përdorur nga ushtarët e diktatorit Enver Hoxha që vëzhgonin me dylbi zbarkimin e flotës së 7-të amerikane në Shqipëri.

Rama tha se zonat e mbrojtura nuk po u shiten oligarkëve, por po kryhen investime për zhvillim.

“Këto ditë, Kushner, një sipërmarrës, amerikan dhe dhëndri i ish-presidenti Trump shpalli publikisht ambientin për të investuar në dy projekte të mëdha turistike në Shqipëri. Po ata, që deri dje na tregonin Malin e Zi dhe Maqedoninë e Veriut si shembuj të paarritshëm për investime në turizëm dhe për investime të huaja direkte, sot flasim për rrezikun që i kanoset Sazanit nga kthimin në një xhevahir të kurorës së artë të turizmit në Mesdhe.

Delirojnë për rrezikun e shkatërrimit të një parku kombëtar imagjinar, të një zone të mbrojtur që e mbrojtur nuk ka qenë kurrë përveç se e ushtarëve të Enver Hoxhës që vëzhgonin me dylbi zbarkimin e flotës së 7 amerikane në Shqipëri dhe zbulojnë se si doli në dritë arsyeja e errët për ndryshimin e ligjit për zonat e mbrojtura. Hija e ish-presidentit amerikan i pengon ata më gojështhururit t’u bashkëngjiten këtyre zërave për mua, djali i paudhë që doli nga thesi i parave të Sorosit, me djalin për shpirt të armikut më të betuar të Sorosit.

Me gjasë zbulojnë me rregull 3 si doli në dritë arsyeja e errët për ndryshimin e ligjit për zonat e mbrojtura! Balta e hedhur mbi ata që vijnë nga jashtë kufirit të Shqipërisë për të kontribuar, e bëjnë Shqipërinë të duket qesharake.

Është forma më prestigjioze e hotelerisë në botë. Ka ndërtuar një duzinë strukturash në zonat përrallore të UNESCO-s. Shqipëria 'kampione e turizmit', nuk është vetëm një slogan, por një projekt gjeopolitik që formësohet përmes projekteve konkrete që krijojnë mundësinë për këtë zhvillim historik. Sa për zonat e Mbrojtura e dimë shumë mirë se kush e shëmtoi dhe mbuloi me plehra trupin magjepsës të Shqipërisë. Qëllimi jonë strategjik nuk është fshehur. Sot Melia Grup ka firmosur 18 kontrata për projekte në sektorin e Turizmit.

Jo nuk po ua shesim 5 oligarkëve. Janë qindra investitorë vendas që janë angazhuar për turizmin. Nuk do të shesim as Sazanin dhe asnjë pronë tjetër. Tjetërkush i ka nxjerrë në pazarin e botës me 1 euro dhe nuk i erdhi asnjë i marrë në Shqipërinë e zhytur në kriminalitet dhe që bënte lajm në botë vetëm për keq. Sot Shqipëria në të gjitha mediat e botës është një lajm i mirë. Sot Shqiptarët do të jenë pjesë përmes aksioneve të shtetit ne do të vigjilojmë që projektet të jenë me një strukturë prestigjioze arkitekturore. Ka pasur disa interesime për Sazanin dhe i kemi refuzuar pikërisht sepse nuk jemi as të interesuar për të bërë pazare. As të paditur të bëjmë zhvillime mediokre. Të kthehen në burim rritje dhe krenarie për Shqiptarët. Në duhet të punojmë paralelisht në shumë fronte”, theksoi kreu i qeverisë./ CNA





Lajmet e fundit nga