Ukrainë: Paqja do të jetë e mundur vetëm pas fitores ndaj Rusisë

2022-08-31 22:33:00, Blog Alexander Temerko

Ukrainë: Paqja do të jetë e mundur vetëm pas fitores ndaj

Më 24 gusht, bota përkujtoi një moment historik të zymtë: 6-mujorin e pushtimit të vendit të pavarur dhe demokratik të Ukrainës nga presidenti rus Vladimir Putin. Ashtu si Gjermania naziste dikur, Rusia e filloi luftën e saj me një sulm të shpejtë.

Propagandistët dhe udhëheqja ushtarako-politike e vendit, ishin të bindur se Kievi do të pushtohej brenda 2 javësh dhe se brenda 1 muaji, e gjithë Ukraina do të pushtohej nga forcat ruse, të cilat do të mirëpriteshin me bukë e kripë nga ukrainasit.

Por pas muajsh luftimesh të përgjakshme, populli heroik ukrainas e ka kthyer “operacionin ushtarak special” të Moskës në një luftë të gjerë, rezultati i së cilës mbetet nde i panjohur, madje edhe për Rusinë dhe popullin e saj. Dhe nëse ne duam vërtet një botë pa shantazhe energjike dhe bërthamore, një botë ku të jenë një normë ligji ndërkombëtar dhe fqinjët e mirë, nëse duam që të ndalim marshimin e diktatorëve, atëherë është e domosdoshme që Perëndimi ta parandalojë humbjen e Ukrainës.

Dhe nuk kemi më luksin të presim më gjatë. Gjatë 8 viteve të fundit, që kur Rusia nisi për herë të parë agresionin e saj kundër Ukrainës, aneksoi Krimenë dhe pushtoi pjesë të rajonit të Donbasit, forcat ukrainase janë transformuar nga një ushtri numerikisht e parëndësishme dhe e armatosur dobët, në një nga ushtritë më të fuqishme dhe shumë të motivuara të Evropës. Sot, potenciali mobilizues i Ukrainës, burimet njerëzore dhe mbështetja që ajo ka marrë nga gati 40 vende të civilizuara, përfshirë Shtetet e Bashkuara, Britaninë dhe anëtarët e tjerë të NATO-s, kanë bërë që forcat e saj të armatosura të përballen si duhet me Rusinë.

Aktualisht, forcat e armatosura të dy kombeve ndërluftuese janë afër balancimit. Armët moderne dhe të teknologjisë së lartë që i ka dërguar Perëndimi Ukrainës po përdoren për

të shkatërruar armatimet e panumërta të vjetruara dhe joefikase, por ende vdekjeprurëse post-sovjetike.

Dhe trupat ukrainase janë aktualisht më të mëdha në numër sesa ato ruse në zonën e luftimit. Njëherazi, forcat ruse janë duke vuajtur nga morali i dobët, dhe kanë shfaqur prije për grabitje, dhunë, madje edhe për kryerjen e akteve të gjenocidit në territorin që pushtojnë.

Gjatë kësaj kohe, vendet perëndimore e kanë forcuar gjithnjë e më shumë mbështetjen ndaj ukrainasve të palëkundur në rezistencën e tyre. Edhe politikanët evropianë, vendet e të cilëve varen nga gazi rus, e kuptojnë se paqja mund të sigurohet vetëm pasi njëra palë të arrijë fitoren në fushën e betejës.

Ukrainë: Paqja do të jetë e mundur vetëm pas fitores ndaj

Po ashtu, ata e kuptojnë se Ukraina nuk do të heqë kurrë dorë nga territori i saj në këmbim të paqes. Unë nuk dua të dukem si luftënxitës dhe shpresoj realisht të arrihet sa më shpejt paqja. Por fjalët e Ciceronit të thëna 2 mijë vite më parë tingëllojnë fort në veshët e mi, ashtu siç besoj edhe në veshët e të gjithë ukrainasve: Paqja duhet fituar përmes fitores dhe jo pajtimit.

Sigurisht, disa shqetësohen se nëse vazhdojmë të shtojmë furnizimin me armë në Ukrainë, mund të dëmtohet siguria e Perëndimit. Në fakt, prodhimi i armëve të reja dhe ofrimi i armëve për Ukrainën është shumë i pa sinkronizuar.

Logjika politike dhe ushtarake, thotë që ne nuk kemi luksin të lejojmë që kjo luftë të zvarritet më gjatë, edhe pse ekziston frika se ajo mund të dalë jashtë kontrollit dhe të shndërrohet në një katastrofë globale. Gjithsesi që lufta të përfundojë sa më shpejt, ne kemi nevojë për një fitore të madhe dërrmuese, dhe kjo fitore duhet të pretendohet të arrihet në betejën e Hersonit.

Pjesa më e madhe e trupave ukrainase dhe ruse të afta për luftim janë të përqendruara aktualisht në rajonet Herson dhe Zaporizhzhia të Ukrainës Jugore. Dhe forcat ruse janë dukshëm në një situatë më të keqe, pasi janë dëmtuar rëndë nga betejat e mëparshme, dhe janë të shkëputura nga logjistika për t’u ri-furnizuar lehtësisht.

Perëndimi po kërkon në Ukrainë mposhtjen e Rusisë në fushën e betejës. Dhe aktualisht, forcat ukrainase kanë një shans shumë real për të mposhtur forcat ruse prej 30.000 forcash të pozicionuara në bregun e djathtë të lumit Dnjepër, dhe për të nisur një kundërsulm në drejtim të Melitopolit.

Por nëse do të ndodhte kjo, Kievi duhet ta bëjë këtë përpara se të mbërrijnë shirat e vjeshtës dhe të bien shumë temperaturat në fillim të dimrit. Sepse nëse lejohet të pushojë disi, Rusia do të ishte në gjendje të kryente mobilizim të pjesshëm, të shtonte personelin dhe pajisjet e saj ushtarake dhe të rregullonte logjistikën e saj për të qenë gati për pranverën.

Ukrainë: Paqja do të jetë e mundur vetëm pas fitores ndaj

Për të shmangur rrezikun e një viti tjetër në luftë, dhe të destabilietit dhe trazirave ekonomike në Evropë dhe SHBA, fati i luftës duhet të përcaktohet nga Herson dhe Zaporizhzhia deri në tetor të këtij viti. Çdo vonesë, do të krijojë vetëm pasiguri të mëtejshme për Evropën, dhe kërcënime të reja ndaj sovranitetit të Ukrainës.

Tani është koha e duhur që udhëheqësit perëndimorë dhe ukrainas të bashkohen rreth qëllimit të përbashkët të çlirimit të Hersonit, Kakhovkës dhe Melitopolit. Vendet perëndimore duhet të lënë mënjanë frikën nga shterimi i rezervave të armëve dhe municioneve, pasi industritë tona të mbrojtjes janë të afta t`i rimbushin rezervat me armë dhe municione teknologjikisht superiore brenda disa viteve.

Dhe brenda një muaji, ne duhet t'i sigurojmë Ukrainës shumë më tepër pajisje ushtarake për të siguruar kryerjen e një ofensive të suksesshme dhe çlirimin e jugut të vendit. Unë besoj se kjo ndihmë e mëtejshme do të arrinte në rreth 20 për qind - në rastin më të mirë - të asaj që i është dorëzuar tashmë forcave të armatosura të Ukrainës. Por rezultatet mund të sjellin një fund të hershëm të kësaj lufte.

Shënim:Alexander Temerko, drejtor i Institutit të Çështjeve Ekonomike, dhe ish-Ministër i Mbrojtjes i Federatës Ruse nën administratën e Boris Jelcin./ “Politico.eu” - Përkthyer dhe përshtatur nga CNA.al