web counter
LEXO PA REKLAMA!

SHKARKO APP

App Store
Google Play

Zbardhet dosja/ Si u tentua të vritej krahu i djathtë i Martinajt, i zbrazën 108 plumba mbi makinë

2022-12-14 21:25:00, Aktualitet CNA
Zbardhet dosja/ Si u tentua të vritej krahu i djathtë i Martinajt, i
Fotomontazh - Viktima Klisman Preçi, Ylli (Brahimi) Brahja dhe Ervis Martinaj

Zbardhet dosja hetimore e masakrës së Milotit, ku mbeti viktimë Klisman Preçi dhe u plagos rëndë Ylli (Brahimi) Brahja, ky i fundit krahu i djathtë i Ervis Martinajt, ‘bosit’ të lojërave të fatit që u shpall i zhdukur në gusht të këtij viti.

Masakra e Milotit ndodhi mbrëmjen e 22 korrikut 2022 në hyrjen kryesore të banesës së Ylli Brahimit, i cili ishte edhe shënjestër e këtij atentati.

Miku i Martinajt dhe Preçi ndodheshin në makinën tip Fuoristradë Toyota “Land Chrysler” ngjyrë e zezë, kur drejt tyre është shkrepur 108 herë me armë.

Në dosjen hetimore të publikuar në emisionin “Në shënjestër”, thuhet se nga ana e derës së shoferit u konstatuan gjurmët e këmbëve të Brahimit, i cili ishte larguar me vrap për t’iu shmangur plumbave.

‘“Në momentin e kqyrjes, automjeti u rezultua i ndezur. Ndërsa të dy dyert e krahët të majtë u fiksuan gjysmë të hapura. Nga dera e shoferit u konstatuan gjurmë këmbësh, me një gjatësi prej 20 metra, që mbaronin në asfaltin e shëtitores. Që përkonin me ato të Ylli Brahimit, që ishte larguar me vrap për t’i shpëtuar plumbave. Po kështu në vendin e ngjarjes u gjetën dhe u fiksuan si prova materiale 108 gëzhoja, model 56 kalibër 7.62. Vetëm një orë nga ndodhja e krimit, grupi hetues u njoftua nga policia, se jo shumë larg vendit të ngjarjes kishin gjetur një makinë të djegur. Makinë ku pas verifikimit u gjetën edhe dy armë, që mendoheshin se ishin përdorur në krim” theksohet në dosje./ B.A. - CNA.al





Lajmet e fundit nga