Video 4-Skandali/ Gazetari rrëfen si shantazhoi gjyqtarin për llogari të një grupi kriminal droge

2023-03-24 11:24:00, Aktualitet CNA

Video 4-Skandali/ Gazetari rrëfen si shantazhoi gjyqtarin për llogari

Foto ilustruese

Skandali vijon. Audiopërgjimi i katërt për gazetarin Adriatik Doçi është publikuar.

Në audiopërgjimin e radhës, të cilin mund ta gjeni në këtë link, gazetari Adriatik Doçi rrëfen se si shantazhoi gjyqtarin e gjykatës Elbasan për llogari të një grupi kriminal droge.

Për llogari të një grupi kriminal, me të cilët Doçi kishte marrëveshje, sulmoi gjyqtarin.

Doçi tregon se një gjyqtar në Elbasan, mori para nga grupet kriminale të drogës dhe kërkonte favore seksuale nga vajza të mitura.

Duke shfrytëzuar këto informacione, Doçi e publikoi skandalin për llogari të grupeve kriminale dhe e çoi gjyqtarin tek miku i tij, që ishte pjesë e grupit kriminal të drogës, për të bërë marrëveshje.

“Kisha një dosje njëherë, ishte një kryetar gjykate në Elbasan dhe prokuroria ndiqte një grup që shiste kokainë. Ata ishin shumë të fuqishëm i kishin lekët me valixhe, ata e kishin korruptuar këtë gjyqtarin.

Ishte në ndjekje me dosje në prokurori , se policia dhe prokuroria kanë grupe vëzhgimi në terren, kur ndiqesh për një krim policia të vëzhgon të fotografon dhe e përgjonin këtë gjyqtarin.

Ky tani merrte lekë po nuk i bënin më përshtypje lekët dhe donte gjëra të tjera edhe ata i çonin femra këtij gjyqtarit, mirëpo ky ishte i fiksuar me gjimnazistet e kisha parë në dosje, nën moshën 18 vjeç që është shkelje ligji, vepër tjetër penale, edhe ok shkonin ato i i gjenin se kishin lekë shumë dhe ia çonin në filan vend. Pastaj ishin disa detaje të tjera shumë të rënda që nuk hyja se s’ia vlen.

Ky pastaj kishte pagujt e kishte mbyll dosjen. Vazhdonte detyrën, ia kishin mbyllur ata.

Unë kisha informacionin me dosje me të gjitha, edhe shkruaj gjyqtari filan me emër mbiemër, u kap ne këtë, shkoi me gjimnaziste, u bë nami në Elbasan se e di si përhapet lajmi.

Më vjen ai, i ishte ngrit diabeti, ma kish gjet numrin me vjen tek zyra e prita unë tek zyra dhe po rrinte kështu, çoje mor kokën, kryetar gjykate ëëë, e kupton rrinte kështu çoje mor kokën se s’ka ndonjë gjë, tha më vjen keq për një gjë tha se jam dhe gjysh.

Ishte duke dalë në pension. Ua çfarë ndyrësire dhe si ta zgjidhim këtë punë i thashë me mua s’ke ça zgjidh, shko tako filanin. Kishim një shok të përbashkët, shko tako filanin, se me mua s’ka ça zgjidh, se unë nuk i hyja debateve të tjera.

Se ky të përgjon, duhet të jemi të kudjesshëm. Pastaj takoj atë shokun tim. Super i korruptuar, super pervers, vinte aty me rrinte kështu mua, me kokë ulur” rrëfen gazetari./ CNA.al