web counter
LEXO PA REKLAMA!

SHKARKO APP

App Store
Google Play

Irfan Hysenbelliu, “luftë” me Qeverinë për ndërtimet pa leje/ Gazetari Fundo “i nxjerr të palarat”

2023-03-23 22:33:00, Aktualitet CNA
Irfan Hysenbelliu, “luftë” me Qeverinë për
Gazetari Elvi Fundo

Pronari i disa mediave, Irfan Hysenbelliu ka nisur një sulm ndaj Qeverisë dhe disa institucioneve pas aksioneve të IKMT-së dhe policisë në “Prestige Resort” për ndërtimet pa leje.

Për këtë çështje ka folur mbrëmjen e sotme gazetari Elvi Fundo, i cili përmendi taksat e papaguara të Hysenbelliut.

Gazetari tha në emisionin e Ylli Rakipit se Hysenbelliu ka probleme me ligjin, si e taksat, ashtu edhe me lejen e ndërtimit.

Për këtë arsye, ai kërkoi të mos merret në mbrojtje një pronar mediash që është në shkelje me ligjin.

“Irfani ka lënë 8 milionë dollarë taksa ka paguar. Kush e ka lënë? Edi Rama e ka lënë, patjetër. Ka 8 milionë taksa pa paguar kurse atij qytetarit për 30 mijë lekë drita vajtën e varën atje në burg. Nuk mbrohet i pambrojtshmi. Irfan Hysenbelliu ka pasur një leje zhvillimi, nuk ka paguar taksat, nuk ka marrë lejen finale, ia shembën, ia kanë sekuestruar tani. Të vejë të paguajë taksat të shohë punën.

Pse e trazojnë Irfanin? Sepse ka probleme me ligjin. Është vetë botues që nuk zbatonte ligjin. Ishte në pazar me qeverinë. Qeveria e la të mos paguante 8 milionë dollarë taksa në këto vite dhe tani pasi u konfliktua me Qeverinë po merr atë që gatoi vetë sepse kjo ka ndodhur në Shqipëri me mediat.

Hanë, pinë me Qeverinë, zhgërryhen me verë. I keni parë ato fotot me Edi Ramën si zhgërryhet në “Prestige”? Si thoshte Irfani? Pishinën, vizatimin ma ka bërë Rama”, theksoi ai./ CNA





Lajmet e fundit nga