E fundit!

20:26 Opinione Agim Xhafka

"GIVE UP, ELISA!"

I must say from the beginning, I have liked MP Elisa Spiro...

U vetëshpall kreu i Akademisë së Shkencave/ Gjinushi nuk përmbahet: Mos bëni sikur jeni më të mençur se akademikët

2023-10-20 13:12:00, Aktualitet CNA

U vetëshpall kreu i Akademisë së Shkencave/ Gjinushi nuk

Kryetari i "vetëshpallur" i Akademisë së Shkencave, Skënder Gjinushi është shprehur për mediat se procesi i sotëm ishte tërësisht demokratik.

Madje Gjinushi, nuk ngurron të thotë se është zgjedhur nëpërmjet një gare.

Por, realiteti tregon krejt të kundërtën, ai nuk kishte asnjë konkurrent përballë në këtë garë. Nuk ka munguar edhe ironitë e tij, ndaj gazetarëve, pasi është shprehur "Mos bëni sikur jeni më të mençur se akademikët".

"Secili kandidat ka në dorë veten e vet. Gjithkush nga Akademikët kanë qenë i ftuar dhe jo vetëm se ligji ta jep të drejtën. Në një shoqëri demokratike, lejohet kandidimi i lirë, kur pengohet është problem. Ende se keni kuptuar që në institucionet si Akademia e Shkencave, dinë të vlerësojnë se kush do të jetë ekipi drejtues dhe kolaudohet se cila reformë, cila alternativë do duhet mbështetur? Kur merr shume vota në mandat të dytë i bie që ke punuar shumë mirë. Garë është, se votohet po ose jo. Vazhdoni i bini një kambanë. Dinë se ç’bëjnë 53 akademikë. Mos bëni sikur jeni më të mençur se akademikët", tha Gjinushi.

Me procesin e sotëm, Gjinushi u shfaq si "pasuesi" i kreu të PD-së së vulës, Lulzim Basha i cili gjithashtu zhvilloi vetë zgjedhjet dhe u vetëzgjidhet si kryetar.

Gjinushi është vetëzgjedhur kreu i Akademisë së Shkencave me 51 vota pro dhe 2 kundër, ku disa prej tyre i kanë dërguar votat e tyre me zarf./CNA