web counter
LEXO PA REKLAMA!

SHKARKO APP

App Store
Google Play

E fundit!

x

“Gjinushi, një McGonigal i dytë”/ Thirrja e fortë e PD-së: Ngrini zërin e protestës

9 Shkurt 2023, 11:24, Aktualitet CNA

“Gjinushi, një McGonigal i dytë”/ Thirrja e fortë e

Deputetja e PD, Ina Zhupa, në një deklaratë për mediat ka akuzuar kryeministrin Edi Rama, se po kërkon t’i japë një mandat tjetër Skënder Gjinushit në krye të Akademisë së Shkencave.

Zhupa është shprehur se është shqetësuese dhe paragjykuese kërkesa e dy deputetëve socialistë për rizgjedhjen e kryetarit të Akademisë së Shkencave.

PD i ka bërë thirrje akademikëve të ngrejnë zërin e protestës kundër kësaj që po ndodh, pasi është antikushtetuese.

"Edi Rama, në kundërshtim me ligjin, kërkon t’i japë edhe një mandat Skënder Gjinushit si kryetar i Akademisë së Shkencave.

Edhe pse mandati i tij aktual është në Gjykatë Kushtetuese dhe pret shqyrtimin; edhe pse zgjedhja e tij në krye të Akademisë nuk është dekretuar nga Presidenti i Republikës se ishte antiligjore;  edhe pse është denoncuar publikisht si pazar që ka në mes shitjen e ish-partisë së Gjinushit për interesat politike të Ramës, prapë Kryeministri nuk ndalet.

Reagimi, si i Partisë Demokratike, ashtu edhe i akademikëve Artan Fuga dhe Apollon Baçe ka qenë i fortë dhe do të vazhdojë.

Akademiku Baçe ka ngritur dy pyetje në analizën vjetore të Akademisë së Shkencave në lidhje me kërkesën për ndryshimin e ligjit, të propozuar nga dy deputetë socialist dhe që lejon rizgjedhjen e Gjinushit në krye të institucionit:

1- Shkak për kërkesën e amendimit të ligjit, a u bë shqetësimi vetjak i deputetëve për situatën në Akademi, apo kjo kërkesa u përgatit dhe ju delegua atyre nga kryesia e Akademisë?

2- Nëse kërkesa u delegua nga kryesia e Akademisë, përse ajo nuk u diskutua dhe miratua në asamble, siç e kërkon paragrafi 6 i nenit 11 të ligjit, i cili ngarkon për miratimin dhe ndryshimin e statutit asamblenë, jo kryesinë?

Partia Demokratike e thekson këtë shqetësim dhe paragjykon, me të drejtë, edhe staturën e dy deputetëve propozues të PS, që kanë kërkuar amendimin ligjor. Kjo për faktin se as z. Petro Koçi dhe as z. Ismet Beqiraj nuk njihen si njerëz të arsimit dhe shkencës së lartë, dhe as kanë lidhje me botën akademike. 

Të kthyerit e Akademisë së Shkencave në një aneks të orekseve politike Rama-Gjinushi është një fyerje për akademikët, për Kuvendin dhe publikun në përgjithësi.

Partia Demokratike u bën thirrje njerëzve të shkencës, kulturës dhe artit të ngrenë zërin e indinjatës dhe protestës kundër infiltrimit në Akademi të metodologjive që nuk janë as shkencë as politikë, nga “intelektualët e hurit dhe të litarit” që mban afër dhe parapëlqen Edi Rama.

Zërit të akademikëve Artan Fuga dhe Apollon Bace u bashkohemi edhe ne me mbështetjen tonë politike e shoqërore, dhe u kërkojmë të tjerëve të bëhen bashkë për të parandaluar një degjenerim të Akademisë së Shkencave edhe më tej.

Duke përdorur fjalët e z. Bace ne nuk mund të lejohet një McGonigal i dytë edhe në Akademinë e Shkencave të Shqipërisë", ka thënë Zhupa./ CNA.al





Lajmet e fundit nga