Skandali i Policisë së Korçës/ Terrorizimi i adoleshentëve për qëllime personale, Megamashtrimi publik

2022-10-29 09:19:00, Aktualitet CNA

Skandali i Policisë së Korçës/ Terrorizimi i

Dje, CNA.al publikoi një super skandal të drejtorisë së policisë Korçë për "megaoperacionin" e mashtrimit të kësaj drejtorie.

Për ironi të fatit, kjo drejtori dje bëri publik "megaoperacionin" e mashtrimit 2 , me 32 fletë arreste dhe njëlloj si hera e parë, nga këta pjesa dërrmuese përsëri adoleshente me varësi ndaj drogës dhe në kufijtë e vdekjes nga uria por jo grupe kriminale, një pakicë e tyre janë të tillë.

Përsëri drejtuesit e policisë Korçë mashtruan opinionin publik me këtë "MEGAMASHTRIM 2"

Nga një vështrim i shpejtë i listës me të arrestuarit, bie në sy se 10 prej tyre janë nën 20 vjeç, shumica nga komuniteti rom dhe një pakicë të cilës i është sekuestruar edhe lënda narkotike, identik si në operacionin "mashtrimi 1".

Shumica e portaleve janë treguar dyshues kundrejt këtij lajmi madje kanë theksuar se "bie në sy sasia e vogël e drogës e ndarë në doza të vogla", kjo mbas publikimit të këtij skandali nga CNA.al

Në videon e shpërndarë nga policia bie në sy që janë përdorur imazhe të njëjta nga operacioni "MASHTRIMI 1", si duket kësaj here kanë dalë duarbosh dhe nuk kanë patur se çfarë të shfaqin.

Referuar të dhënave të publikuara nga policia, 320 shtetas janë proceduar penalisht dhe 127 të tjerë vazhdojnë në hetim, në total 447 qytetarë të Korçës, domethënë, 447 familje korçare janë terrorizuar se policia dyshon që merren me trafik droge, me pak fjalë Korça na qënka Palermo.

Tani mbetet për tu parë se si do të veprojë gjykata me këta adoleshentë që do hyjnë në sallat penale, ndoshta për herë të parë, si trafikantë droge por që janë kapur me nga një cigare hashash????

E sigurt është që përsëri do të lirohen pjesa më e madhe e tyre sepse përsëri si në rastin e "mashtrimi 1" janë viktima të një rapresaleje të paparë ndonjëherë dhe të qëllimeve personale të organizatës mafioze kriminalo-policore me në krye oficer Ermal Muçaj dhe Mariglen Beqo, këta janë ata që duhen hetuar./ CNA.al