web counter
LEXO PA REKLAMA!

SHKARKO APP

App Store
Google Play

Çfarë po ndodh në Kadastër? Rama: Po zhbëhet rrjeti i sekserëve, buburrecave e minjve

2023-08-28 13:44:00, Aktualitet CNA

Çfarë po ndodh në Kadastër? Rama: Po zhbëhet rrjeti i

Kryeministri Edi Rama sërisht me dorë të hekurt ndaj punonjësve të Kadastrës.

Teksa i quan punonjësit buburreca e minj ai thekson se do të vijojnë dorëheqjet në Kadastër.

Rama ka publikuar foto nga sistemi i ri i Kadastrës dhe thotë se është tregues i fluksit të punës së sistemit digjital, ku mund të shihen qartë datat hyrëse e dalëse të aplikimeve, pa sportel, pa kontakt fizik me punonjësit, pa mundësi ndërhyrjeje nga lart, poshtë, anash për të marrë e dhënë favore, pa shans për rryshfet sepse sistemi nuk ha mik dhe pa të gjitha sekëllditë e tmerret e të kaluarës në marrjen e shërbimit.

Postimi i plotë:

"Dhe thonë e thonë s’funksionon sistemi i ri i Kadastrës…

Kjo është vetëm një fotografi e fluksit të punës së sistemit digjital, ku mund të shihen qartë datat hyrëse e dalëse të aplikimeve, pa sportel, pa kontakt fizik me punonjësit, pa mundësi ndërhyrjeje nga lart, poshtë, anash për të marrë e dhënë favore, pa shans për rryshfet sepse sistemi nuk ha mik dhe pa të gjitha sekëllditë e tmerret e të kaluarës në marrjen e shërbimit.

Ndërkohë që po, e vërtetë, s’funksionon më sistemi i vjetër, zhbëhet përditë rrjeti i sekserëve, influencave të llojllojshme, buburrecave e minjve brenda kadastrës, të cilët vazhdojnë të dorëhiqen prej tharjes së burimeve të pista, vazhdon papushim puna për përmirësimin dhe rritjen e efiçencës së sistemit të ri, i cili ka ende problemet e veta, por edhe kështu siç është ka dhënë dy prova të mëdha, si një sistem ARMIQËSOR ME KORRUPSIONIN dhe MIQËSOR ME QYTETARIN."

Rama pak ditë më parë paralajmëroi se do të ketë dorëheqje në Kadastër. / CNA





Lajmet e fundit nga