Policia Rrugore më keq se doganat greke

2023-12-29 14:21:00, Aktualitet CNA

Altin Qato

Mijëra shqiptarë kanë vuajtur me orë dhe ditë të tëra pritje në kufirin grek, torturë në doganat greke.

Kujtojmë në vitet e shkuara, por edhe tani së fundmi gjatë flukseve të lëvizjes së qytetarëve, pa doganierë, lëvizje të ngadalta, Policia Kufitare e Greqisë, pengonte emigrantët dhe krijoheshin radhë kilometrike. Pra njerëz që vuanin e thuajse torturoheshin në rrugë.

Tashmë këtë torturë që dikur e bënte polica greke për emigrantët apo për turistët që kalonin në të dyja anët e kufirit, e bën Policia Rrugore e Shqipërisë.Një dështim spektakolar i drejtuesve të policisë të qarkut të Elbasanit, por edhe Drejtorit të Përgjithshëm të Policisë Rrugore, Altin Qato.

Prej disa ditësh aksi rrugor Tiranë-Elbasan është kthyer në një torturë për mjetet që lëvizin, pretendohet që kalohet nga një autostradë, por kur afrohesh te hyrja e Elbasanit, krijohen radhë kilometrike. Kështu ka ndodhur gjatë këtyre fundjavave, për Krishtlindje, por edhe tani për festën e Vitit të Ri.

VIDEO/ Torturë për qytetarët, bllokohet sërish aksi në hyrje të Elbasanit, radhë kilometrike
29 Dhjetor, 14:17

Duket se Altin Qato qëndron në zyrë, merr edhe rrogën e tij të majme dhe bën sehir mijëra dhe mijëra mjete dhe qytetarë shqiptarë që vuajnë trafikun e rënduar nga keqmenaxhimi, apo nga braktisja e keqmenaxhimit nga policia rrugore.

Në një rrethrrotullim ku një polic ka ndonjë makinë për t’i vënë ndonjë gjobë apo për t’i marrë ndonjë lekë dhe mijëra mjete që rrinë të bllokuara sepse nuk menaxhohen nga Policia Rrugore, edhe pse janë të gjitha mundësitë që në rrugën e Metalurgjikut, apo në rrugën e vjetër të Zaranikës të krijohet shpërndarja e mjeteve dhe lëvizja më e madhe e trafikut që njerëzit të mos vuajnë me orë të tëra me fëmijë të vegjël që torturohen nga një Polici Rrugore kriminale, e korruptuar, që ka braktisur qytetarët dhe u shërben xhepave dhe qejfeve të saj.

Shmangni lëvizjen drejt Elbasanit/ Kaos me trafikun
29 Dhjetor, 14:29

Në vend që policët të qëndrojnë dhe të menaxhojnë trafikun në një aks rrugor të vështirë, në vend që mjetet e policisë të jenë në krye të trafikut dhe ta udhëheqin trafikun, motorët e policisë gjithashtu, siç ndodh kudo në vendet e rajonit, Policia Rrugore del jashtë funksionit.

Altin Qato qëndron në zyrë, shijon luksin e një drejtori policie dhe trupërisht mijëra qytetarë vuajnë papërgjegjshmërinë e Qatos dhe qafirëve të tjerë të Policisë Rrugore, që mendjen e kanë për të mbushur xhepat, për t'u futur nën hije dhe klube dhe jo për të menaxhuar dhe shërbyer qytetarëve në këto ditë festash.

Është kjo Polici Rrugore, e cila tashmë qartësisht është kthyer në torturuese e shqiptarëve që duan të lëvizin për festat e fundvitit, më keq sesa policët e doganës greke ku mbyllin kufirin për emigrantët shqiptarë.