web counter
LEXO PA REKLAMA!

SHKARKO APP

App Store
Google Play

Policia përgënjeshtron “Top Channel”/ Para se të publikoni lajme, kërkoni të dhëna zyrtare

2022-10-29 22:50:00, Aktualitet CNA
Policia përgënjeshtron “Top Channel”/ Para se të
Foto ilustruese

Policia e Shtetit ka përgënjeshtruar televizionin “Top Channel” në lidhje me lajmin se çdo ditë 5 deri në 7 punonjës policie po kërkojnë të heqin dorë nga uniforma blu.

Policia deklaron se nuk është aspak e vërtetë që gjatë muajve te fundit janë larguar 600 efektivë.

Gjithashtu, policia i bën thirrje “Top Channel” që të kërkojë të dhëna zyrtare para se të publikojë lajme që i përkasin punës së Policisë së Shtetit.

“Mbi lajmin e bërë publik në një nga televizionet kombëtare ku pretendohet se nga radhët e Policisë së Shtetit, kërkojnë të largohen  çdo ditë 5 deri në 7 punonjës Policie të nivelit zbatues dhe se numri i punonjësve të Policisë së Shtetit është reduktuar për këtë shkak, sqarojmë opinonin publik se:

Nuk është aspak e vërtetë që gjatë muajve te fundit janë larguar 600 punonjës policie.

Policia e Shtetit, ndjek një politikë rinovimi të moshës së punonjësve të policisë dhe në këtë kuadër vit pas viti në Akademinë e Sigurisë, kryejnë  Kolegjin e Policisë 250 kursantë të cilët pas kryerjes së teorisë dhe praktikës në terren, emërohen në strukturën e Patrullës së Përgjithshme në të gjithë vendin.

Me vendimin e fundit të qeverisë, i cili ka hyrë në fuqi më 1 Tetor 2022, punonjësve të Policisë të nivelit bazë iu është rritur paga me 15%, ku të gjithë punonjësit e nivelit zbatues, efektet financiare i kanë përfituar menjëherë.

Kërkojmë mirëkuptimin e medias, që para se të publikojë lajme që i përkasin punës së Policisë së Shtetit të kërkojë të dhëna zyrtare pranë strukturave përkatëse në Policinë e Shtetit, me qëllim informimin e saktë të opinionit publik.

Gjithashtu sqarojmë opinonin publik se orët shtesë dhe dietat paguhen rregullisht sipas afateve që parashikon ligji dhe puna e Policisë  së Shtetit matet dhe bazohet  në statistika të cilat janë ligjore  dhe aspak fiktive.

Sigurojmë qytetarët se Policia e Shtetit është tërësisht e angazhuar dhe e vendosur për të luftuar paligjshmëritë, krimin në përgjithësi dhe krimin e organizuar në veçanti dhe në këtë kaudër, fton sërisht ata që të mbështesin akoma më shumë Policinë e cila punon e sakrifikon përditë  për të krijuar një ambient sa më të sigurtë për qytetarët”, thuhet në deklaratë./ B.A. – CNA.al

Policia përgënjeshtron “Top Channel”/ Para se të
Lajmi i "Top Channel"




Lajmet e fundit nga