E fundit!

08:08 POLITICS

Balla mocks Agron Shehaj, message to protesters: He betrayed Luli, Muli, Saliu, not you

The head of the Socialist Party Parliamentary Group, Taula...

Pezullimi i Deborah Keçit/ Kush pritet të drejtojë klubin Shumësportësh Tirana

2024-04-05 16:21:00, Aktualitet CNA

Deborah Keçi

Ish-futbollisti i njohur, Gjergji Muzaka, pritet të jetë drejtori i ri i klubit Shumësportësh Tirana. Drejtoresha në detyrë, Deborah Keçi është pezulluar pas hetimit nga SPAK për dosjen "5D" ku ndaj saj është vendosur masa "detyrim paraqitje".

Ish-mesfushori i Tiranës, Partizanit dhe Dinamos, prej vitesh është pjesë e sektorit të sporteve në bashkinë Tiranë dhe tashmë ai pritet të zyrtarizohet në këtë detyrë ntë rëndësishme.

Deborah Keçi, e akuzuar për favorizimin e kompanisë "5D" së drejtorëve të Bashkisë Tiranë, Redi Molla dhe Mariglen Qato, është paraqitur në SPAK mesditën e së premtes.

Nga hetimet ka rezultuar se Deborah Keçi në cilësinë e titullarit të autoritetit kontraktor Klubi Sportiv “Tirana”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt.

Sipas Prokurorisë së Posaçme, Deborah Keçi, ka pasur komunikime direkte me shtetasin Nestor Muahmetllari, administrator i shoqërisë “5D Konstruksion” sh.p.k. Pronarët "de facto" të kompanisë "5D" janë Redi Molla dhe Mariglen Qato.

“Së pesti, nga hetimet e kryera është provuar edhe fakti se shtetasja D.K. (Deborah Keçi) në cilësinë e titullarit të autoritetit kontraktor Klubi Sportiv “Tirana”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt. Shtetasja D.K. ka pasur komunikime direkte me shtetasin Nestor M. administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k, duke i dhënë titullari i autoritetit kontraktor shtetasit N.M user-at e anëtarëve të KVO-së”, njoftoi SPAK./CNA