web counter
LEXO PA REKLAMA!

SHKARKO APP

App Store
Google Play

“Për SKY duhet një SPAK tjetër”/ Karamuço: Ka prokurorë që janë trajnuar specifikisht për këtë

2023-10-27 22:29:00, Aktualitet CNA

“Për SKY duhet një SPAK tjetër”/ Karamuço: Ka

Eksperti i kriminalistikës, Ervin Karamuço ka deklaruar se për aplikacionin SKY dhe informacionet që mbart duhet ngritur një SPAK tjetër për t’i hetuar.

I ftuar në emisionin “Review”, Karamuço tha se për shkak se çështja është voluminoze, ka prokurorë të shteteve që hetojnë SKY në vendin e tyre që kanë bërë një trajnim specikifik për këtë.  

“Mendimi im absolut është që për Sky ne duhet të ngremë një SPAK tjetër. Ka një volum të jashtëzakonshëm që po vjen dhe vetë është shprehur nga disa prokurorë të SPAK-ut që kjo çështje me kaq shumë volum që po vjen, me bashkëpunim ndërkombëtar, e kemi të pamundur fizikisht që ta trajtojmë këtë në kohë sa më të shkurtër dhe për t’i dhënë hetimeve drejtim.

S’është një dosje, ato janë informacione pafund që i shkojnë SPAK-ut me skeda konkrete. Përpara 10 ditësh disa miqtë e mi prokurorë kanë marrë pjesë në një trajnim i cili u zhvillua në qendrën e luftës kibernetike në Mal të Zi ku erdhën prokurorët francezë që hetonin Sky në vendin e tyre, ata që filluan këtë proces me amerikanët dhe ju bënë 1 javë trajnim, e hënë-e premte, për çfarë është Sky, si kanë hetuar e të gjitha me radhë,” ka thënë Karamuço./ CNA





Lajmet e fundit nga