Sekuestrimi i pronave të Gaçit dhe Gjokës/ Bardhi “shuplakë” Ramës: Ke abuzuar rëndë me pushtetin

2023-10-27 16:44:00, Aktualitet CNA

Sekuestrimi i pronave të Gaçit dhe Gjokës/ Bardhi

Kreu i Grupit Parlamentar të PD-së, Gazment Bardhi ka reaguar pas seskuetrimit të pronave të Artan Gaçit, bashkëshortit të ish-ministres Olta Xhaçka si dhe biznesmenit Pëllumb Gjoka.

Sipas Bardhi kjo e vendos kryeministrin Edi Rama në pozitën e një kryeministri që ka abuzuar rëndë me pushtetin.

Bardhi thotë në reagimin e tij se kriteri mbi të cilin Rama i ka shpallur investitorët strategjikë ka qenë grabitja e pronave publike e private prej tyre.

Më tek kreu i grupit të PD-së, vë në dukej se kjo është arsyeja pse mazhoranca rrëzoi dhe kërkesën e opozitës për ngritjen e Komisionit Hetimor për investimet strategjike.

“Sekuestrimi i pronave të disa investitorëve strategjikë e vendos Edi Ramën në pozitën e një kryeministri që ka abuzuar rëndë me pushtetin. Përveç miqësisë me Kryeministrin, qartësisht duket se kriteri mbi të cilin Edi Rama i ka shpallur investitorët strategjikë ka qenë grabitja e pronave publike e private prej tyre!

Një kryeministër i ndershëm nuk mund të shpallë investitorë strategjikë persona që kanë përfituar pronat në Bregdet përmes falsifikimit. Një kryeministër i ndershëm nuk mund të shpallë investitorë strategjikë trafikantë droge dhe porositës vrasjesh me pagesë.

Tani bëhet krejt e qartë arsyeja përse Edi Rama dhe maxhoranca e tij refuzuan ngritjen e Komisionit Hetimor për investimet strategjike. Shumë prej tyre nuk kanë të bëjnë me zhvillimin, por me pastrimin e parave nga punët e pista.

Me këto para kanë blerë edhe fallsifikimin e pronave, ku kanë ngritur dhe po ngrenë perandorinë e krimit dhe të korrupsionit.

Mbi këto vendime, Edi Rama ka vendosur firmën e tij dhe nuk duhet të jetë e largët dita, kur ai do të duhet të përballet me drejtësinë”, shkruan Bardhi./ CNA