Nesër, samiti i Procesit të Berlinit/ Von der Leyen drejt Tiranës, takim me Begajn dhe Ramën

2023-10-15 10:51:00, Aktualitet CNA

Nesër, samiti i Procesit të Berlinit/ Von der Leyen drejt

Presidentja e Komisionit Europian, Ursula Von der Leyen

Ditën e nesërme do të mbahet në Tiranë, samiti i Procesit të Berlinit, ku pritet që liderët botërorë të zbarkojnë në kryeqytet.

Pritet që sot të mbërrijë në Tiranë, Presidentja e Komisionit Europian Ursula Von Der Leyen.

Von der Leyen do të zhvillojë sot në orën 15:30 një takim me Presidentin e Shqipërisë Bajram Begaj.

Ndërsa në orën 17:00 do të zhvillojë një konferencë me kryeministrin Edi Rama.

Kujtojmë se një ditë më parë, Policia e Shteti dhe Garda kanë bërë me dije masat sigurisë në kuadër të mbajtjes së samitit të Procesit të Berlinit në Tiranë.

Në perimetrin e sigurisë, duke filluar ora 20:00 e datës 15 tetor deri në përfundim të Samitit, më datë 16 tetor, në orën 20:00, do të ndalohet parkimi, qarkullimi i automjeteve dhe qytetarëve, por do të lejohet vetëm lëvizja e qytetarëve që janë rezidentë në ambiente banimi brenda perimetrit të sigurisë.

Rrugët që do të bllokohen në 16 tetor, nga ora 08:00 deri në orën 12:00, dhe nga ora 15:30 deri në orën 20:00:

•Rinas – Mbikalimi i Kasharit – autostrada “Durrës – Tiranë” – ish-sheshi “Shqiponja” – Unaza e Tiranës - rrethrrotullimi i Saukut – rrethrrotullimi pranë Akademisë së Sigurisë – Pallati i Brigadave – rrethrrotullimi i qytetit “Studenti”, deri tek kryqëzimi me bulevardin “Bajram Curri”;

•Bulevardi “Bajram Curri”, nga kryqëzimi me rrugën “Ibrahim Rugova”, deri te Rruga e Elbasanit (ky ndalim vlen për të gjitha llojet e mjeteve);

•Bulevardi “Dëshmorët e Kombit”, nga kryqëzimi me bulevardin “Zhan D’Ark” deri te sheshi “Nënë Tereza”;

•E gjithë rruga “Papa Gjon Pali II”;

•Rruga “Ismail Qemali”, nga kryqëzimi me Rrugën e Elbasanit, deri te kryqëzimi me rrugën “Ibrahim Rugova”.

Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë - Fushë Krujë – Vorë”.

Perimetri i sigurisë:

-Bulevardi “Dëshmorët e Kombit”, nga ura e Dajtit deri te sheshi “Nënë Tereza”;

-Bulevardi “Bajram Curri” nga kryqëzimi me Rrugën e Elbasanit deri te kryqëzimi me rrugën “Ibrahim Rugova”;

-Rruga “Papa Gjon Pali II”, “ETC-RTSH-Stadium”;

-Rruga “Ismail Qemali”, nga kryqëzimi i Liceut deri te rruga e “Elbasanit”;

-Rruga “Mustafa Matohiti”, pranë shkollës “Kosova”;

-Rruga “Jul Variboba”, pranë postës, në rrugën e Elbasanit dhe në rrugën “Papa Gjon Pali II”;