web counter
LEXO PA REKLAMA!

SHKARKO APP

App Store
Google Play

Integrimi i Shqipërisë në BE/ Borrel: Mbështesim me përkushtim Ballkanin Perëndimor

2022-07-13 11:05:00, Aktualitet CNA
Integrimi i Shqipërisë në BE/ Borrel: Mbështesim me
Josep Borrell

Përfaqësuesi i lartë për Politikë të Jashtme dhe Sigurinë, Josep Borrell, ka shprehur mbështetje për integrimin e Ballkanit Perëndimor në Bashkimin Europian.

Në një intervistë për median malazeze “Vijesti”, shefi i diplomacisë europiane tha se pavarësisht rezultateve të samitit, BE-ja ka qenë, është dhe do të vazhdojë të jetë e përkushtuar për përmirësimin e procesit të anëtarësimit të Shqipërisë dhe Maqedonisë së Veriut.

“Progresi në prioritetet e reformave duhet të çojë në integrimin më të ngushtë të Ballkanit Perëndimor me Bashkimin Europian, punën për integrimin e përshpejtuar dhe 'futjen graduale' në politikat individuale, programet dhe tregun e BE-së”, është shprehur ai.

I pyetur për deklaratën e kryeministrit të Greqisë, Kyriakos Mitsotakis, se vendet e Ballkanit Perëndimor do të anëtarësohen në BE vetëm në vitin 2033, Borrell dekaroi se:

“Unë besoj fuqishëm se anëtarësimi i Ballkanit Perëndimor në Bashkimin Europian është në interesin tonë të përbashkët dhe do të forcojë gjeopolitikisht si BE-në, ashtu edhe rajonin. Anëtarësimi në BE është një proces i bazuar në merita. Çdo vend kandidat duhet të përmbushë standardet dhe rregullat që mbështesin vlerat thelbësore të BE-së dhe të zbatohen në mënyrë të barabartë për të gjitha vendet anëtare. Kushtet janë të qarta dhe u takon kandidatëve t'i përmbushin ato. Kjo është arsyeja pse është e vështirë të caktohet ndonjë kornizë kohore e saktë, pasi procesi është kryesisht në duart e partnerëve tanë”./ B.A. – CNA.al





Lajmet e fundit nga