Sulmi i aksionerëve të inceneratorëve/ Miliad Lopa kërcënon gazetarët

2023-10-20 13:34:00, Aktualitet CNA

Sulmi i aksionerëve të inceneratorëve/ Miliad Lopa

Milaid Lopa

Një incident ka ndodhur pak çaste më parë, shtetasi Miliad Lopa ka kërcënuar dhe ka fyer gazetaren dhe kamerën, e cila ndodhet para Agjencisë së Pasurive të Sekuestruara për të filmuar personat pas asaj që bëri publike ish-kryemninistri Sali Berisha.

Planet dhe sharjet janë të filmuara dhe Miliad Lopa ka luajtur rolin e një bodyguard-i të Alberto Presezzit, italiani i cili është një nga aksionerët e kompanisë së inceneratorit të Tiranës.

Pak minuta më parë ish-kryeministri Sali Berisha, deklaroi se aksionerët e kompanisë së inceneratorëve "Geogenix" kanë ardhur në Tiranë dhe do të zhvillonin një takim në orën 13:00 pranë Agjencisë së Pasurive të sekuestruara ku do të kërkonin të sillnin në Shqipëri 100 milionë euro me burime të paqarta për të bërë investime në inceneratorin e Tiranës.

“Sot me datën 20.10.2023 aksionerët e kompanisë 'Geogenix BV', kanë ardhur në Tiranë për të zhvilluar një takim në orën 13:00 pranë Agjencisë të Pasurive të Sekuestruara pasi kërkojnë të sjellin në Shqipëri 100 milionë euro me burime të paqarta për të bërë investime në inceneratorin e Tiranës. Unë ju kam njoftuar në mënyrë të përsëritur për lidhjen e Erion Veliajt me Tossin dhe Presezzin. Ju kam njoftuar lidhjen e Pressezit me kompaninë e ish-komandantit të gardës së Iranit. Kam paraqitur dokumente që faktonin këto lidhje. Ekziston një akuzë nga anëtari i këtij grupi, Gabriele, i cili u mbajt këtu në burg disa muaj dhe u lirua pa asnjë akuzë me kushtin që të mos kthehej në Shqipëri se i dinte zhvillimet e këtij grupi mafioz”, tha Berisha./ CNA