Gazetari nxjerr bllof socialistët/ “Mashtruan për inceneratorin e Fierit, prej 2 vitesh pajisjet kanë mbetur në doganë”

2023-10-11 19:38:00, Aktualitet CNA

Gazetari nxjerr bllof socialistët/ “Mashtruan për inceneratorin

Gazetari Elvi Fundo ka nxjerrë bllof deputetët socialistë të cilët gjatë komisionit hetimor parlamentar për inceneratorët në vitin 2022 mashtruan duke thënë se, inceneratori i Fierit punon kur e vërteta është krejtësisht ndryshe.

Ashtu siç ka denoncuar më parë CNA, për inceneratorin e Fierit ende nuk ka përfunduar investimi dhe duhet edhe një financim prej 3 milionë eurosh, gjë që është pranuar publikisht dhe nga kryeministri.

Gazetari Elvi Fundo nënvizon se prej dy vitesh në doganë kanë mbetur pajisje për inceneratorin e Fierit dhe në Komisionin Hetimor deputetët kanë gënjyer nën betim.

“Por duhet të flasë ajo zonja, se ajo dhe disa deputetë shkuan në Fier po ju kujtohet , gjatë komisoinit hetimor dhe na thanë se inceneratori punon.

Komisioni Hetimor shkon në Elbasan dhe na thonë se punon. Jemi pas dy vjetësh dhe në Elbasan plehrat u dogjën dhe të gjithë e panë para një muaj.i Mund të themi se ndezën një transporter atje në Fier shkuan disa nga depuetët e parlementit dhe u ndez një transporter dhe u bë një debat me pjesën tjetër të komisionit hetimor parlamentar ku qe dhe opozita pavarësisht se tek një pjesë e tyre kam dyshime se kanë patur komunikime me Edi Ramën dhe Veliajn në atë kohë.

Mashtronin dhe thonin që punonte. Sot zyrtarisht sipas pronocimit të dhënë nga administratori shtetëror mua më është thënë që duhet financim edhe 3 milionë euro. Kryeministri e ka thënë publikisht se do të paguajnë, ndërkohë prej dy vjetësh ka pajisje që qëndrojnë tek dogana për inceneratorin e Fierit, dhe inceneratorit i Fierit në atë kohë ka gënjyer dha kanë gënjyer nën betim se Farudin Arapi është një pensionist 70-vjeçar që i kanë dhënë urdhër”, tha Fundo. / CNA