Denoncimi dhe thirrja për SPAK/ Hetimet të shkojnë tek matësat e ujit, drejtorë në detyrë kanë paguar kompanitë e Zotos

2023-10-11 19:15:00, Aktualitet CNA

Denoncimi dhe thirrja për SPAK/ Hetimet të shkojnë tek

Foto ilustruese

Gazetari Elvi Fundo i ka bërë thirrje SPAK-ut që hetimin për inceneratorët dhe njerëzit e tyre ta vazhdojë që nga fillimi, që nga zanafilla, që janë matësat e ujit.

Në deklaratën e tij në emisionin Task Forcë, gazetari Elvi Fundo është shprehur se inceneratorët dhe kompanitë e Klodian Zotos nuk fillojnë tek Elbasani, por që tek matësat e ujit në Korçë, ku denoncon se ende ka njerëz, drejtorë që janë në detyrë që me paratë e marra nga qytetarët paguajnë kompanitë e Zotos.

Gazetari Elvi Fundo bën me dije se kompanitë e Zotos kanë marrë tendera në Tiranë për matësat e ujit dhe pas kësaj fillon histori tek bashkëshorti i Elisa Spiropalit, për të cilin CNA ka pbulikuar me fakte dhe dokumente lidhjet me inceneratorët.

“Elisa Spiropali është e përfshirë drejtpërdrejt nëpërmjet bashkëshortit. E kam raportuar është skemë e qartë e kam shkruar, nëpërmjet matësvae të ujit.

SPAK duhet të shkojë që nga fillimi sepse inceneratorët kompanitë e Klodian Zotos nuk fillojnë thjesht dhe vetëm tek Elbasani. Fillojnë me matësat e ujit që në Korçë që ende ka njerëz që janë në detyrë janë drejtorë atje, kanë dhënë milionë euro nga taksat e qytetarëve shkojnë në Elbasan, shkojnë në Fier shkojnë tek Nasufi në Berta shkojnë dhe në Lushnjë.

Kompanitë e Klodian Zotos kanë marrë tendera në Tiranë për matësat e ujit dhe më pas fillon historia tek bashkëshorti i Elisës, dalin në komisionin hetimor, del Farudin Arapi dhe mashtroi shqiptarët dhe vazhdojnë të lirë këta njerëz. Komisioni Parlamentar përveç se është përgjegjës Farudin Arapi që ka mashtruar atje. Ka shumë njerëz që kanë mashtruar publikisht shqiptartët atje nën betim dhe duhet të mbajnë përgjegjësi penale. Nuk duhet të heshtim”, ka thënë Fundo./ CNA