web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ E akuzuar si spiune, 33-vjeçarja ruse asnjë ditë në qeli, mbahet në spitalin e burgut

2022-08-30 16:24:00, Aktualitet CNA
Ekskluzive/ E akuzuar si spiune, 33-vjeçarja ruse asnjë ditë
Svetlana Timofoeva, 33-vjeçarja ruse

Svetlana Timofoeva, 33-vjeçarja ruse e arrestuar nga prokuroria e Elbasanit si spiune ruse, nuk ndodhet në burgun e grave, siç ndodh zakonisht me personat që arrestohen apo pas një vendimi të gjykatës që jepet masa e sigurisë, por ndodhet në spitalin e burgut.

CNA.al ka mësuar nga burime zyrtare se ditën që është dhënë masa e sigurisë, Svetlana Timofoeva është mbajtur në spitalin e burgut jo sepse ka arsye shëndetësore, por për arsye sigurie dhe faktin që është femër dhe e huaj.

Ajo mbahet në një ambient më vete, pa kontakt me persona të tjerë që ndodhen në spital. Mësohet se Timofoeva ka kërkuar të dërgohet në burgun e grave, të ketë kontakt dhe me avokatin e saj, por ajo është marrë në pyetje vetë në spitalin e burgut, atje ku qëndron.

Të njëjtat burime i thanë CNA.al se Timofoeva nuk ka qenë asnjë ditë në burgun e grave, asnjë ditë në një burg, por është dërguar në spital për arsye të sigurisë. Që në momentin e çuarjes atje, ajo nuk ka pasur kontakte as me avokatin dhe as me persona të tjerë.

Kjo duket një situatë që e ka rënduar disi vajzën, e cila akuzohet si agjente ruse, për shkak të izolimit jo në një burg ku mund të ketë kontakte me gra dhe avokatin, por në spitalin e një burgu ku është e izoluar dhe e vetmuar, e nuk ka kontakte me askënd./ B.A. - CNA.al





Lajmet e fundit nga