E fundit!

09:36 SOCIAL ISSUES

Albanians most tired at work/ 43 hours a week, more stress and social isolation

Albanians are officially the hardest working people in Eur...

Kandidati kryesor për drejtor të Policisë së Shtetit/ Zbulohet kush do të zëvendësojë Gledis Nanon

2022-08-29 18:08:00, Aktualitet CNA

Kandidati kryesor për drejtor të Policisë së Shtetit/

Drejtori i Përgjithshëm i Policisë së Shtetit, Gledis Nano

Zbulohet një nga kandidatët kryesorë për drejtor të Përgjithshëm të Policisë së Shtetit.

Disa media kanë raportuar që personi që do të zëvendësojë Gledis Nanon është Muhamet Rrumbullaku, ish-drejtor i policisë së Tiranës dhe drejtor aktual i Agjencisë për Mbikëqyrjen Policore.

Rrumbullaku është një nga emrat që po qarkullon, por mund të ketë edhe emra të tjerë surprizë deri të mërkurën, kur pritet të bëhet shkarkimi i Gledis Nanos.

Muhamet Rrumbullaku ka një karrierë 29-vjeçare në Policinë e Shtetit.

Drejtori i Agjencisë për Mbikëqyrjen Policore, Muhamet Rrumbullaku

Për disa vite ka mbajtur postin e zv/drejtorit të Përgjithshëm të Policisë për Rendin dhe Sigurinë Publike, ndërsa më parë ka drejtuar edhe Drejtorinë Vendore të Policinë së Tiranës, e disa drejtori vendore në qarqe të tjera.

Gjatë qeverisë teknike të vitit 2017, Rrumbullaku u emërua për disa muaj, këshilltar i Ministrit të Brendshëm, Dritan Demiraj.

Ndërkohë, në 3 vitet e fundit, ai ka drejtuar Shërbimin për Çështjet e Brendshme dhe Ankesat (SHÇBA), institucion i cili tashmë është transformuar në Agjencinë për Mbikëqyrjen Policore.

Sakaq, kujtojmë se CNA.al raportoi sot dorëheqjen e drejtori të Përgjithshëm të Policisë së Shtetit Gledis Nano. Ky i fundit ka mohuar për mediat të ketë dhënë dorëheqjen, ndërsa CNA.al ka zbuluar nga burime zyrtare se të mërkurën do të bëhet shkarkimi i Gledis Nanos./ B.A. – CNA.al