web counter
LEXO PA REKLAMA!

SHKARKO APP

App Store
Google Play

Abuzimi me pronat për Kadastrën e Tiranës, SPAK-u shpall moskompetencë për çështjen

2022-08-29 12:47:00, Aktualitet CNA
Abuzimi me pronat për Kadastrën e Tiranës, SPAK-u shpall
Foto ilustruese

SPAK-u shpall moskompetencë për zyrtarët dhe disa qytetarë të përfshirë në skemën e abuzimit në Kadastrën e Tiranës.

Pas shpalljes së moskompetencës, tashmë dosja i ka kaluar Gjykatës së Tiranës për të dhënë verdiktin ndaj 17 personave të vënë nën akuzë për këtë skemë abuzive.

Prokuroria e Posaçme shpalli moskompetencë për këtë dosje me argumentin se personat e përfshirë nuk janë zyrtarë të lartë. Tashmë hetimet për shtetasit Gazmend Canaj; Admir Burri; Neritan Bablusha; Panol At-Nikolla do kryhen nga Prokuroria e Tiranës.

Një vit më parë SPAK-u finalizoi operacionin pas disa muajsh hetimesh, duke dërguar pas hekurave sekserë dhe zyrtarë të Kadastrës.

Në atë kohë në dosjen e SPAK-ut thuhet se përmes ndikimit të paligjshëm ndërhynin për praktika të ndryshme për marrjen e certifikatave të pronësisë.

Zyrtarët në përgjimet e SPAK-ut rezultonte se ishin të përfshirë në këtë skemë abuzive, për nxjerrjen e dokumenteve për qytetarë të ndryshëm që u zvarriteshin procedurat për shkak të burokracisë.

Nga dosja thuhej se zvarritjet bëheshin me qëllim marrjen e ryshfetit./euronews





Lajmet e fundit nga