Bardhi “mbërthen” Dumanin/ I kërkon llogari për inceneratorët

2023-05-26 14:07:00, Aktualitet CNA

Bardhi “mbërthen” Dumanin/ I kërkon llogari për

Gazment Bardhi ka "mbërthyer" kreun e SPAK, Altin Dumanin në Komisionin e Ligjeve , ku u diskutua për punën e Prokurorisë së Posaçme për vitin 2022.

Bardhi e ka gozhduar duke thënë se SPAK deri më tani ka zero rezultate në lidhje me inceneratorin e Tiranës, ndërsa për dy inceneratorët e tjerë të Elbasanit dhe të Fierit ka patur një hetim të pjesshëm.

Ai i është drejtuar duke pyetur Dumanin pse duhet një kohëzgajtje kaq e madhe për një çështje ku mund të bazohet tek kontratat, procedurat e kryera që janë të dokumentuara.

“A ka përshembull një arsye se pse prej 4 vtesh nu ka një përfundim të hetimeve për çështjen e 3 inceneratorëve.

Një nga çështjet që publiku e ushqen në mënyrë të përditshme dhe pret rezultate. Kemi parë pjesërisht një hetim për inceneratorin e Elbasanit, ndërkohë që ka një pjesë tjetër që vijon ende.

Kemi parë një pjesë shumë të vogël përsa i përetë inceneratorit të Fierit, po ndërkohë vijon sipas njoftimeve tuaja gjithmonë, çështja për aspekte të tjera, ndërkohë që ka zëro rezultate për inceneratorin e Tiranës.

Pa hyrë në detaje konkrete të hetimit, a mund të dimë arsyen e kësaj kohëzgjatjeje kaq të madhe, pra prej katër vitesh hetimi për disa çështje që në fakt lidhen me shqyrtimin e letrave. Pra nuk është se kërkohet ndonjë hetim i thelluar.

Do merrni kontratat, do shqyrtohen procedurat, pra të niset nga kjo: nëse prona e bashkisë, ligji thotë, meqenëse kemi dhe një nga prokurorët këtu, pronë e bashkisë jepet apo tjetrsohet me vendim të këshillit bashkiak dhe ndërkohë është tjetërsuar me firmën e kryetarit të bashkisë, këtu duhet të ketë një përgjigje. Ka apo jo shkelje ligji dhe për këtë nuk duhen katër vite hetime në gjykimin tim.

Pra, pyetja e parë është, a ka arsye specifike përveç hezitimit të prokurorëve për të thyer mitin e pandëshkueshmërisë në këtë kohëzgjatje kaq të madhe të hetimit për këto çështje. Pra, mora vetëm këtë”, tha Bardhi./ CNA.al