web counter
LEXO PA REKLAMA!

SHKARKO APP

App Store
Google Play

E fundit!

x

Afera që mbush xhepat e bosëve të djegësve/ Letra e tretë publike për Altin Dumanin

2023-05-17 14:10:00, Aktualitet CNA
Afera që mbush xhepat e bosëve të djegësve/ Letra e
Altin Dumani

Zgjedhjet kanë përfunduar, por inceneratorët që nuk ekzistojnë vazhdojnë dhe marrin miliona e miliona euro nga taksat e shqiptarëve të varfër.

Në Elbasan dhe në Tiranë janë dy inceneratorë, të cilët janë jashtë funksionit, që nuk punojnë.

Në një zinxhir kompanish dhe personazhet kanë krijuar një grup të strukturuar kriminal. Kanë investuar nga qeveria shqiptare mbi 50 milionë euro, por inceneratorët janë jashtë funksionit.

Në Elbasan bën sikur ndizet, kostot i ka katastrofike. Në Fier ende nuk është vënë në punë. Çdo afat ligjor ka kaluar, por inceneratorët janë jashtë funksionit.

Afera që mbush xhepat e bosëve të djegësve/ Letra e

SPAK-u nuk e çoi në grup të strukturuar kriminal këtë bashkëpunim të individëve, Mirel Mërtiri, Stela Gugallja dhe Klodian Zoto apo dhe shtetas të tjerë të përfshirë nga Elbasani në Fier dhe më pas tek inceneratori i Tiranës, ku shkëlqen Giuseepe Ciaffaglione, njeriu që merr aksione nga Klodian Zoto dhe më pas i shet te persona të tjerë, kjo pa marrë më parë leje nga qeveria shqiptare, sipas ligjeve për koncensionin.

Në fakt, në Tiranë, ende sot pas 6 vitesh nuk ka incenerator, sipas studimit të fizibilitetit dhe biznesplanit duhet të ishte përfunduar pas disa vitesh. Sot duhet të kishim një investim të paktën 128 milionë euro. Vonesa, justifikime, incenerator në Tiranë nuk ka.

Administratori dhe ish-pronari me 100% të aksioneve, aktualisht një nga ish-aksionerët, Giuseppe Ciaffaglione, i shiti ato vitin e shkuar dhe u arratis.

 

Bosët e djegësve kanë informacion për gjithçka.

Ciaffaglione, në kërkim ndërkombëtar, ndërsa Altin Dumani qëndron në zyrën e tij.

Sot po i bëjmë letrën e tretë publike pas zgjedhjeve zotit Altin Dumani, kreut të SPAK-ut dhe prokurorëve të këtij institucioni që të zgjohen të hetojnë inceneratorin e Tiranës. Të hapin dokumentet, të zbardhin të vërtetat, të shkojnë vetë të sfidojnë prokurorët, Byronë kombëtare të Hetimit, çdo njeri të drejtësisë në Shqipëri, se në Tiranë nuk ka incenerator dhe po fshihen pas gishtit, po përpiqen të përdorin procedura, justifikime, se s’kemi punuar, s’kemi marrë leje, në fakt mjafton të shikoni shkëmbimet në tatime dhe lëvizjet bankare edhe gjatë viteve që pretendohet se s’kanë pasur leje ndërtimi apo gjatë pandemisë.

Janë të gjitha provat, janë të gjitha faktet. Incenerator në Tiranë nuk ka. Shqiptarët në 6 vite kanë paguar 60 milionë dollarë vetëm nga taksat e drejtpërdrejta, dhënë nga qeveria shqiptare kompanisë së inceneratorëve të Tiranës, për Tiranën, Durrësin e të tjerë.

Pa folur këtu për miliona dollarë që kjo kompani ka marrë nga privati, nga përpunimi i dherave. Kompani që deklaron 30 milionë dollarë fitime. Kompani që deklaron 30 milionë dollarë investime. Pjesa tjetër janë shpenzime. Qindra miliona lekë për mjete me qira. Mjafton të shihen bilancet.

Qindra miliona të tjera për konsulencë të dhënë Stela Gugalles, Klodian Zotos dhe kështu me radhë.

Kompani zinxhirë që mbushin xhepat e bosëve të djegësve, atyre që tani po shfaqen në dokumente, por edhe atyre të mëparshmëve që fshihen nga Mirel Mërtiri, Klodian Zoto e të tjerë.

Altin Dumani dhe kolegët e tij nuk mund të bëjnë sehir për inceneratorin që mungon në Tiranë.

Nuk mund të justifikohen me arbitrazhin, në Tiranë nuk ka incenerator. Kontrata nuk është zbatuar, kush janë përgjegjësit? Kush i mbron? Kush qëndron pas kësaj batërdie?

SPAK-u i ka pritshmëritë e mëdha, nuk mund të përfundojë si gjyqtarët apo “prokurorët të parareformës në drejtësi”. Ata që ndoshta kanë bërë shumë më tepër sesa këta prokurorë të SPAK-ut që vettingu ndoshta nuk i mori dhe shumë seriozisht një pjesë të tyre.

Dikush e ka kaluar me miqësi, dikush me mbështetje politike dhe hapja e letrave kaloi, por tashmë kanë për detyrë të punojnë për të zbardhur të vërtetën, për të hetuar, jo për të fjetur, jo për të qëndruar në hije dhe për të shpëtuar kush e kush më parë në një dosje voluminoze, e cila ka një tufë me të akuzuar që grabisin, që abuzojnë, që shkelin dhe vjedhin taksat e shqiptarëve të varfër./ CNA.al

 

 





Lajmet e fundit nga