2-fishimi i çmimit të patentës/ Gënjen Blendi Gonxhja

2023-02-16 21:48:00, Aktualitet CNA

2-fishimi i çmimit të patentës/ Gënjen Blendi Gonxhja

Blendi Gonxhja, Drejtori i Drejtorisë së Përgjithshme të Transportit Rrugor

Blendi Gonxhja, Drejtori i Drejtorisë së Përgjithshme të Transportit Rrugor, është kapur duke gënjyer shqiptarët në lidhje me lajmin e dyfishimit të çmimit të patentave të kategorisë B.

Në një dalje për mediat Gonxhja ka deklaruar se ndryshimi i çmimit vjen si rezultat i një marrëveshjeje të nënshkruar nga DPSHTRR, DPT dhe shoqata e autoshkollave, që synon eleminimin e sekserëve dhe konkurrencën e pandershme.

?Kjo marrëveshje ndihmon që ne të fuqizojmë autoshkollat e ndershme, të mbrojmë autoshkollat e ndershme. Duhet të pranojmë që jo të gjithë janë të tillë. Kemi sot ende fenomenin e sekserëve të cilët bredhin lart e poshtë duke i gjetur atyre një autoshkollë sa për letra. Ka rënë vlera e autoshkollimit?, shprehet drejtori i DPSHTRR-së në videon e mëposhtme.

Por në një reagim të pak minutave më parë, Gonxhja ka mohuar dyfishimin e çmimit të patentave dhe e ka cilësuar si lajm të rremë.

Me anë të një statusi në rrjetet sociale, Gonxhja thotë se nuk do të rritet asnjë tarifë publike që lidhet me shërbimin dhe lëshimin e Leje Drejtimit.

?Lajm i gabuar! Lajmi është: Fund fiktivitetit në Autoshkolla! Zbatim rigoroz i programit të formimit për Leje Drejtimi! Fund lojës me Sigurinë Rrugore! Fund zhvlerësimit të profesionistëve dhe degradimit të tregut të Autoshkollave!

As rritet e as dyfishohet çmimi i patentës! Eliminohet evazioni fiskal dhe informaliteti në sektorin e Autoshkollave!

Nuk rritet asnjë tarifë publike që lidhet me shërbimin dhe lëshimin e Leje Drejtimit!

Dyfishohet çmimi i patentës/ Kur hyn në fuqi vendimi
16 Shkurt, 17:45

Goditet fenomeni i sekserëve që kapin kursantë për ti përdorur Autoshkollat si Nipte apo sa për letra, pa u kryer procesi mësimor, duke iu shmangur kurseve në teori e praktikë, në këmbim të një pagese të ulët por të parregullt! Luftohet konkurrenca e pandershme dhe paligjshmëria!

Fiton Siguria Rrugore! Rriten standardet e mësimdhënies në Autoshkolla! Merr dinjitet dhe vlerë aktiviteti dhe misioni i Autoshkollave!

DPSHTRR zbaton aktet ligjore në fuqi që përcaktojnë programin e detyrueshëm zyrtar të përgatitjes në Autoshkolla, kryerjen e plotë dhe transparent të tij!

Siguria Rrugore kërkon Autoshkollim serioz, proces kritik që nuk mund të garantohet pa kushtet logjistike, kapacitetet teknike e didaktike që përkthehen në kosto të domosdoshme! Kurset gjysmake, shkollimi i munguar, kontratat fiktive, punësimi në të zezë ose fiktiv, regjistrat fiktivë të pjesëmarrjes në orët mësimore, janë parathënia e aksidenteve dhe fataliteteve rrugore, kostove sociale e ekonomike që tejkalojnë sektorin e Autoshkollave duke cënuar tërë shoqërinë, sigurinë publike dhe aspiratat integruese!

Marrëveshja DPSHTRR, DPT, Shoqatat e Autoshkollave është investimi më i fortë për cilësi Autoshkollimi, mbrojtje konsumatori e Siguri Rrugore!?, shkruan drejtori i DPSHTRR-së.

Kështu, Blendi Gonxhja është kapur duke gënjyer, herë duke pranuar marrëveshjen që rrit çmimin e patentave e herë duke e mohuar atë./ B.A. - CNA.al

2-fishimi i çmimit të patentës/ Gënjen Blendi Gonxhja