LEXO PA REKLAMA!

SHKARKO APP

App Store
Google Play

E fundit!

x

Gent Sejko: Norma bazë e interesit rritet në nivelin 3%

23 Mars 2023, 16:50, Ekonomi CNA
Gent Sejko: Norma bazë e interesit rritet në nivelin 3%
Guvernatori i Bankës së Shqipërisë, Gent Sejko

Guvernatori i Bankës së Shqipërisë, Gent Sejko ka folur për situatën ekonomike në Shqipëri. 

Gjat një deklarate për mediat ai u shpreh se norma bazë e interesit do të rritet nga niveli 2.75% në nivelin 3.00%.

"Këshilli Mbikëqyrës i Bankës së Shqipërisë vendosi:

të rrisë normën bazë të interesit, nga niveli 2.75% në nivelin 3.00%;

të rrisë normën e interesit të kredisë njëditore, nga niveli 3.75% në nivelin 4.00%;

të rrisë normën e interesit të depozitës njëditore, nga niveli 1.75% në nivelin 2.00%". 

Këshilli Mbikëqyrës gjykoi se presionet e larta inflacioniste që burojnë nga ambienti i brendshëm janë një faktor i rëndësishëm rreziku, së pari, për respektimin e objektivit të stabilitetit të çmimeve dhe, më tej, për rritjen e qëndrueshme dhe afatgjatë të vendit. Në këto rrethana, ai e vlerësoi të nevojshme reduktimin e stimulit monetar nëpërmjet rritjes së normës bazë të interesit. Këshilli Mbikëqyrës vëren se kjo masë është në përputhje me komunikimet tona të mëparshme dhe në konsistencë me lëvizjet e fundit të bankave kryesore qendrore," u shpreh Sejko./CNA

Lajmet e fundit nga