Stop/ Posta i vjedh lekët punonjëses së vet, gjykata nuk gjen vepër penale

1 Maj 2023, 22:16, Denoncim CNA

Stop/ Posta i vjedh lekët punonjëses së vet, gjykata nuk gjen

Në 20 Tetor 2022, emisioni Stop në Tv Klan transmetoi rastin e një punonjëseje të Postës së Divjakës, të cilës i mungonte në llogarinë e saj më shumë se gjysma e pagës prej 3 vitesh. Zonja Rajmonda Rista nga Lushnja punonte si shpërndarëse e Postës së Divjakës nga viti 2014 deri në vitin 2017.

Por në llogarinë e saj i është hedhur pagesa 8000, 8500 dhe maksimumi 9000 Lekë të reja si pagë mujore. Ndërkohë në Tatime ishte deklaruar me pagën minimale 22 mijë Lekë të reja. Këtë gjë e ka konstatuar kur ka dalë në pension.

Ajo bëri kallëzim te Krimi Ekonomik në Fier dhe më pas kallëzimi iu përcoll Prokurorisë së Lushnjes, ku çështjen e mori prokurori Skënder Mestani. Por ky i fundit prej më shumë se një viti nuk ka bërë asnjë hetim.

Stop i është rikthyer kësaj çështje dhe ka mësuar se Gjykata e Lushnjes, me gjyqtare Miranda Nakaj, njësoj si prokurori Mestani, nuk ka parë vepër penale në dosjen në fjalë.

“Pas transmetimit të emisionit Stop, ne kishim shumë besim te gjykata por gjykata e mbylli menjëherë çështjen. U bënë dy seanca. Në seancën e parë kryetarja e gjykatës do e merrte pjesë prokurorin nuk ndodhi, dhe në seancën e dytë po prapë prokurori nuk erdhi dhe kështu çështja u mbyll sepse gjykata më tha që nuk është çështje penale, por është civile. Do ta ndjekësh vetëm civile, nuk e shikoj të arsyeshme për atë. Edhe më thotë që kjo çështje mbyllet”, thotë denoncuesja Rajmonda Rista.

Stop shkoi në Postën e Lushnjes për t’u takuar me drejtorin. Ky i fundit nuk ndodhej në zyrë. Pas pritjes nga ana e gazetares, drejtori shkoi në institucion dhe pati një bisedë të shkurtër me gazetaren por nuk hyri në zyrë.

Gazetarja: Përgjegjësen, që ka bërë pagesën për periudhën 2014-2017.

Drejtori i postës Blendi Bubi: Nuk është këtu.

Drejtori i postës Blendi Bubi: I kam dhënë leje.

Drejtori i postës Blendi Bubi: Ola!Unë të gjithë problemin e di, po ne funksionojmë në bazë të letrave, kaq!

Gazetarja: Nuk ka më kërkesë!

Drejtori i postës Blendi Bubi: Unë tani erdha, bile apostafat, vetëm për këtë rastin. Unë isha në një zyrë, kisha një, një inspektim në një zyrë. Tani e di unë! Të lutem mos t’i hyjmë shumë.

Gazetarja: Jo! Më nxirr dikë, që të më jap përgjigje për Rajmondën!/ tvklan