E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

FOTOT-Çfarë ndodhi me serverat mbrëmjen e Krishtlindjeve në zyrat “One”/ Kompjuterat i vodhën, apo u hoqën?

25 Mars 2025, 20:04, Denoncim CNA

Natën e Krishtlindjeve kanë sulmuar godinën kryesore të “One Telecommunication” ku ndodhen serverat qendrorë të kompanisë si për komunikimet, edhe për financën e kompanisë.

Burime për “Ora News” bëjnë me dije se tre persona me maska kanë hyrë në godinë (në prezencë të rojeve të sigurisë, pasi ajo godinë ruhet 24 orë me personel sigurie nga kompania “Nazëri”), kanë thyer disa kompjutera dhe nuk dihet se çfarë veprimesh të tjera kanë bërë!

Dyshimet janë që shefi i sigurisë së “One” si dhe nivele të tjera drejtuese të kësaj kompanie kanë tentuar të fshehin ngjarjen pasi nuk ka asnjë kallëzim në Policinë e Shtetit për këtë rast dhe si rrjedhojë nuk ka pasur asnjë hetim ligjor nga ana institucioneve ligjzbatuese.

Kjo ngjarje ka ndodhur krahas zhvillimeve të nxehta në lidhje me kryebashkiakun Erion Veliaj dhe në një kohë kur SPAK po heton aferat korruptive.

Kjo ngjarje e dëmtimit apo heqjes së serverëve, në vetvete dhe mos reagimi i institucioneve e mos bërja publike e faktit ngre dyshimin që vërtet po tentohet t’i fshihet diçka SPAK-ut.

Sipas burimeve të Ora News, thuhet se në mjediset e kompanisë nën zë flasin për hajdutë ordinerë.

Sipas medias fotoja e publikuar tregon që ata duken më shumë si para-ushtarak që kanë qëllim të qartë prishjen e provave në serverat e kompanisë dhe jo përvetësim të vlerave materiale siç zakonisht bëjnë hajdutët.

FOTOT-Çfarë ndodhi me serverat mbrëmjen e Krishtlindjeve

Për më tepër, asnjë masë administrative nuk është marrë ndaj kompanisë së sigurisë dhe stafit të saj çka shton edhe më shumë bindjen se ky akt i paprecedentë ka ndodhur me marrëveshje mes-palëve dhe me porosi të vetë niveleve drejtuese të kompanisë “One”!

Vlen të kujtojmë se në kompaninë “One Telecomunication” punojnë edhe disa familjarë të njerëzve të veshur me pushtet dhe të gjitha të dhënat të çojnë në dyshimin se po përpiqen të fshehin provat ndaj institucionit të akuzës, SPAK!

HETIMET E LIDHJES SË KOMPANISË “ONE” ME VËLLEZËRIT VELIAJ

Struktura e Posaçme Kundër Korrupsionit dhe Krimit të Organizuar (SPAK) po heton marrëdhëniet mes kompanisë “One Communication” dhe “Gogel”, e cila drejtohet nga Arbër Veliaj. Në qendër të hetimeve janë dyshimet për favorizime apo ushtrim të ndikimit të paligjshëm nga ana e Veliajt për të siguruar kontrata.

FOTOT-Çfarë ndodhi me serverat mbrëmjen e Krishtlindjeve

Sipas dokumenteve hetimore, kompania “One” paguan Arbër Veliajn për marketing dhe promovim, ndërkohë që fiton tendera (pa garë) në Bashkinë e Tiranës, e drejtuar nga vëllai i madh i familjes Veliaj, Erioni. SPAK ka zbuluar se një kompani sigurimi dhe “One Communication” kanë pasur marrëdhënie kontraktuale me “Gogel” në vlerë prej 5 milionë euroshm shkruan Ora News.

“Nga hetimi rezulton se klienti kryesor i ‘Gogel shpk’ është shoqëria ‘One Albania’, me një total shitjesh prej 551.639.924 lekë të reja”, thuhet në vendimin e gjykatës për caktimin e masës së sigurisë “arrest me burg” për Erion Veliaj.

Në vijim, në vendimin e Gjykatës së Posaçme jepen detaje të përfitimeve që ka marrë kompania “One” nga bashkia e Tiranës, nën drejtimin e Erion Veliaj. Hetimet e SPAK-ut vijojnë për të zbardhur të gjitha detajet e kësaj skeme dhe për të përcaktuar shkeljet ligjore.