web counter
LEXO PA REKLAMA!

SHKARKO APP

App Store
Google Play

Bardhi nxjerr mesazhet e “SKY ECC”/ Si u emërua drejtori i Policisë Shkodër

12 Shtator 2024, 11:14, Denoncim CNA
Bardhi nxjerr mesazhet e “SKY ECC”/ Si u emërua drejtori i
Kreu i Grupit Parlamentar të PD-së, Gazment Bardhi

Kreu i Grupit Parlamentar të PD-së, Gazment Bardhi, publikoi në Parlament disa mesazhe të zbardhura nga dekriptimi i “SKY ECC” mes një eksponenti të krimit të organizuar dhe ish-ministrit të Brendshëm.

Bardhi tha se eksponenti i krimit i kërkoi mikut të ish-ministrit që të emërojë Edmond Sulajn drejtor të Policisë Shkodër.

Sipas tij, pas këtij komunikimi, Sulaj u emërua në Shkodër.

Pjesë nga deklarata:

Dhe unë tani po të pyes drejtpërdrejt meqë e dërgove aty, si ta quajnë drejtorin e Policisë Shkodër? E di emrin e drejtorit të Policisë Shkodër? Ja ta them unë kush ta ka emëruar?

Kodi pin i “SKY ECC” “DGLXJM”: O vëlla, ka llafe për atë mikun tënd ministër të Brendshëm, di gjë ti?

Përgjigjet kodi “SKY” “7142D9”: Po, por kam frikë se nuk e bën.

Ndërhyn prapë kodi “DGLXJM”: Mua Mondi më duhet një dimër atë vëlla.

Mondi në fakt është drejtori aktual i Policisë vendore të Shkodrës, i cili u emërua vetëm një muaj pasi ky miku i ministrit të Brendshëm është përfaqësuesi më i madh i bandave në vend u bë ministër i Brendshëm. Kur i ke dorëzuar pushtetin, policinë dhe portin e Durrësit, krimit të organizuar, fajin e ka opozita?/ CNA





Lajmet e fundit nga