LEXO PA REKLAMA!

SHKARKO APP

E pazakontë/ Foshnja 6-muajshe rezulton pozitive pas testit të kokainës

27 Maj 2022, 10:26, Kosova & Bota CNA
E pazakontë/ Foshnja 6-muajshe rezulton pozitive pas testit të
Foto ilustruese

Një foshnjë gjashtëmuajshe e shtruar në spital që nga fillimi i majit në spitalin e Padovës për hemorragji cerebrale ka rezultuar pozitive pas testit të kokainës.

Prindërit u morën në pyetje për rastin, pasi ndër hipotezat e marra në konsideratë nga karabinierët është edhe keqtrajtimi i vogëlushes.

Fëmija, siç raportohet nga gazetat lokale, ishte transferuar urgjentisht nga spitali në Chioggia më 9 maj, ku ishte dërguar dy ditë më parë pasi kishte pasur simptoma, si të vjella. Gjithashtu në trupin fëmijës janë vënë re trauma.

Ajo që mbetet për t'u sqaruar është nëse fëmija ka pasur ndonjë sindromë, apo e gjithë kjo është shkaktuar nga dridhjet e dhunshme dhe të vazhdueshme për ta pushuar së qari.

Prokuroria Publike e Venecias ka hapur aktualisht një dosje hetimi. Kokaina, sipas ekzaminimeve, nuk ishte gëlltitur nga foshnja, por ishte përthithur nga afërsia.

Gjendja e fëmijës është përmirësuar ditët e fundit.

Lajmet e fundit nga