Lia e majmunëve “mbërthen” SHBA-në/ Konfirmohen rastet e reja në 7 shtete

26 Maj 2022, 21:59, Kosova & Bota CNA

Lia e majmunëve “mbërthen” SHBA-në/ Konfirmohen

Qendra e SHBA-së për Kontrollin dhe Parandalimin e Sëmundjeve (CDC) tha të enjten se kishte identifikuar nëntë raste të lisë së majmunëve në shtatë shtete të SHBA-së që nga e mërkura.

Rastet u konfirmuan në Masaçusets, Florida, Utah, Uashington, Kaliforni, Virxhinia dhe Nju Jork.

Shumica e infeksioneve të zbuluara në nivel global deri më tani nuk kanë qenë të rënda. Shumë, por jo të gjitha, janë raportuar te meshkujt që kryejnë marrëdhënie seksuale me meshkuj. Simptomat përfshijnë ethe dhe një skuqje të veçantë me gunga.

Rreth 20 vende ku lia e majmunëve nuk është endemike kanë raportuar shpërthime të sëmundjes, me më shumë se 200 infeksione të konfirmuara ose të dyshuara, kryesisht në Europë.

Rasti i parë i lisë së majmunit në Shtetet e Bashkuara u raportua në Masaçusets javën e kaluar.

Sëmundja, e cila shfaqet kryesisht në Afrikën perëndimore dhe qendrore, është një infeksion viral që u regjistrua për herë të parë në Republikën Demokratike të Kongos në vitet 1970.

Lajmet e fundit nga