Nëse evolucioni është i vërtetë, pse sot ka ende majmunë?

16 Korrik 2023, 21:30, Blog CNA

Nëse evolucioni është i vërtetë, pse sot ka ende

Biologët evolucionarë përballen shpesh me pyetjen:”Nëse njerëzit kanë evoluar nga majmunët, atëherë pse sot ka ende majmunë? Ose në të njëjtë, dikush mund të pyesë pse bota nuk ka gjysmë-shimpanze, gjysmë-njerëz që tregojnë kalimin nga majmunët primitivë në Homo sapiens, njeriun e sotëm?

Megjithatë, këto pyetje janë të ngarkuara me një mori supozimesh dhe keqkuptimesh rreth mënyrës sesi funksionon evolucioni. Thelbi është të kuptoni se evolucioni nuk është një proces linear.

Vizatimi i mirënjohur i një shimpanzeje të përkulur pranë një majmuni që ecën drejt, i ndjekur nga një njeri që mban në dorë një shtizë, është një mënyrë shumë mashtruese për ta parë situatën. Një mënyrë më e mirë për të menduar mbi evolucionin - veçanërisht evolucionin e njerëzve - është se ne jemi kushërinj të shimpanzeve dhe majmunëve të tjerë të mëdhenj, dhe jo fëmija i drejtpërdrejtë i tyre.

Në Pemën e Jetës, dega jonë është ndarë nga shimpanzetë për miliona vjet - ne nuk kemi evoluar drejtpërdrejt nga shimpanzetë në një rrugë lineare, dhe as nga ndonjë majmun apo majmun tjetër të madh që është i gjallë sot.

Përkundrazi, njerëzit dhe shimpanzetë evoluan nga një paraardhës i përbashkët që jetoi rreth 6- 7 milionë vjet më parë. Ky paraardhës tashmë i zhdukur, evoloi dalëngadalë me kalimin e kohës si përgjigje ndaj presioneve të ndryshme, dhe përfundimisht solli shfaqjen e 2 specieve që ne i përcaktojmë si Homo sapiens dhe shimpanzetë.

Nëse evolucioni është i vërtetë, pse sot ka ende

Për fat të keq, mbetjet fizike përfundimtare të paraardhësit të fundit të përbashkët nuk janë zbuluar kurrë, pasi të dhënat fosile janë të copëzuara (gjë që vlen për të gjithë jetën në Tokë). Sidoqoftë, ne e dimë se ka ekzistuar, pasi njerëzit dhe shimpanzetë ndajnë 98.8 për qind të ADN-së së tyre.

Këto dy degë - njeriu dhe shimpanzetë - janë më shumë si nëndegë të dyja të lidhura me një degë tjetër, nga e cila mbijnë nëndegë të tjera që nënkuptojnë majmunët e tjerë të mëdhenj hominidë si bonobot, gorillat dhe orangutanët.

Në bazën e kësaj dege, ne mund të gjejmë një paraardhës tjetër të përbashkët që na lidh me pjesën tjetër të familjes së majmunëve. Nëse e zmadhojmë edhe më tej tablonë e një peme familjare, zbulojmë se dega e majmunit takohet përfundimisht me një degë tjetër të veçantë, gjë që nënkupton paraardhësin e përbashkët me majmunët.

Ndarja midis majmunëve të mëdhenj dhe majmunëve të vegjël degëzohet edhe më tej, rreth 25- 30 milionë vjet më parë. Sërish gjatë miliona viteve, paraardhësi i përbashkët i zhdukur në bazën e degës, evoloi për të krijuar një sërë speciesh të ndryshme.

Nëse jeni akoma paksa konfuzë, një mënyrë tjetër e dobishme për ta trajtuar këtë pyetje është kjo:“Nuk është më e saktë se njerëzit e kanë prejardhjen nga majmunët, dhe se majmunët e kanë prejardhjen nga majmunët e lashtë, sesa që ju keni e keni origjinën nga vëllezërit e motrat tuaja, të cilët nga ana e tyre kanë ardhur nga kushërinjtë tuaj.

Askush nuk do të pyeste: Nëse keni evoluar nga kushëriri juaj, pse kushëriri juaj është ende këtu? Pyetja ‘Nëse njerëzit kanë evoluar nga majmunët, pse ka ende majmunë?’ është po aq absurde për një biolog evolucionar”, shkruan Uilliam Meikle dhe Eugjeni Skot në një studim të vitit 2010 të botuar në revistën “Evolution:Education and Outreach”.

Mund të jetë një ide e çuditshme për të kaluar kokën, e lëre më pastaj të shpjegohet me fjalë. Por është më e lehtë të demonstrohet përmes ilustrimeve që tregojnë se si këto degë ndahen nga njëra-tjetra, siç është ajo e mësipërme./ Pershtatur nga CNA