web counter
LEXO PA REKLAMA!

SHKARKO APP

App Store
Google Play

E fundit!

x

Vagner po ndërton bazat e reja në Bjellorusi, a do të ketë një front të ri sulmi ndaj Ukrainës?

12 Korrik 2023, 17:40, Blog Michal Kubala

Vagner po ndërton bazat e reja në Bjellorusi, a do të ketë

Sipas kanalit në gjuhën ruse Gray Zone në platformën Telegram, e cila është e lidhur me kompaninë e drejtuar nga Jevgeni Prigozhin, mercenarët e kompanisë private ushtarake ruse Vagner, të cilët më 24 qershor udhëhoqën një rebelim afatshkurtër kundër Moskës, janë vendosur në disa kampe në Bjellorusi.

“Disa nga njësitë e Vagner, kanë filluar tashmë procesin e tyre të trajnimit. Për shembull, ata po ushtrohen në manovra me tanke dhe me pajisje të tjera të rënda në poligonin që ndodhet disa kilometra në jug të kufirit, dhe po ushtrohen gjithashtu në operacione sulmi nën mbulimin e artilerisë, dhe e bëjnë këtë edhe gjatë orëve të natës”- specifikohet në raport.

Po ashtu theksohet se në Bjellorusi do të ndërtohen në total 3 baza të Grupit Vagner. Njëri prej tyre do të jetë në Asipoviçi, qytet në jug të Minskut. Media e pavarur ruse “Verstka”, raporton se ky kamp është në gjendje të strehojë 8.000 trupa të Vagnerit.

Detajet e para të pranisë së re të Vagnerit në Bjellorusi, vijnë 10 ditë pasi mijëra militantë të këtij grupimi, përfshirë liderin e tyre Jevgeni Prigozhin, u zhvendosën nga Rusia në Bjellorusi sipas një marrëveshjeje të negociuar nga presidenti bjellorus Aleksandër Llukashenko që i dha fund rebelimit të grupit mercenar.

Prigozhin po qëndron i heshtur këto ditë, pa paraqitje publike apo video të reja në internet. Cilido qoftë roli që do të luajë ai dhe trupat e tij në të ardhmen e Rusisë apo në luftën në Ukrainë, kjo do të diktohet nga prania e tyre në Bjellorusi, një vend prej 9.3 milionë banorësh, kryeqyteti i të cilit, Minsk, ndodhet pothuajse në distancë të barabartë midis Moskës dhe Kievit.

Vagner po ndërton bazat e reja në Bjellorusi, a do të ketë

Fakti që Prigozhin u largua për në Bjellorusi “është një çështje shqetësuese”, thotë ish-shefi i Shtabit të Përgjithshëm të ushtrisë së Britaisë së Madhe, Riçard Danat. Duke folur për Sky Neës, Danat tha se nëse Prigozhin “mban një forcë luftarake efektive rreth tij, atëherë ai paraqet përsëri një kërcënim për frontin ukrainas më afër Kievit”.

Ai shtoi se ka të ngjarë që Rusia t’i përdorë luftëtarët e Vagner për një përpjekje tjetër për të pushtuar Kievin. Në një fjalim drejtuar Rusisë të hënën, Putin tha se mercenarët e Vagner mund të largohen ose për në Bjellorusi, ose të nënshkruajnë kontrata me ushtrinë e rregullt ruse.

Në fjalimin e tij, Putin nuk e përmendi sërish me emër Jevgeni Prigozhin. Nëse grupi Vagner mund të nisë një sulm ndaj Kievit nga Bjellorusia kjo gjë mbetet e pasigurt, sidomos duke pasur parasysh humbjet e rënda që pësuan mercenarët gjatë pushtimit të Bakhmut.

Por prania e mercenarëve të Vagner në Bjellorusi, mund të çojë në rritjen e presionit mbi udhëheqjen bjelloruse për të hyrë drejtpërdrejt në konfliktin ukrainas. Duke folur javën e kaluar, Llukashenko tha se Bjellorusia do të përfitojë nga prania e trupave Vagner për të mësuar nga përvoja e tyre luftarake.

“Ata e kanë kaluar atë përvojë, dhe do të na tregojnë se cila armët u funksionuan mirë dhe cilat jo. Do të na japin këshilla për taktikat:si të sulmojmë dhe si të mbrohemi. Dhe kjo është një ndihmë e paçmuar”- tha ai.

Nën udhëheqjen e Llukashenkos, Bjellorusia e ka mbështetur me vendosmëri Rusinë dhe Putinin si aleatin e tyre më të ngushtë. Gjatë gjithë konfliktit në Ukrainë, ajo ka shërbyer si një terren jetik për trupat ruse, me shumë operacione ushtarake dhe fluturime me helikopterë që u nisën nga territori i saj gjatë përpjekjeve të Rusisë për të pushtuar Kievin që në ditët e para të luftës.

Por ushtria e rregullt bjelloruse, nuk e ka kaluar në asnjë moment kufirin ukrainas. Spekulimet për përfshirjen e Bjellorusisë në luftën në Ukrainë, kanë qarkulluar dendur muajt e fundit. Gjatë rebelimit të Vagner, Llukashenko i vendosi trupat e tij në gatishmërinë më të lartë luftarake, raportoi media bjelloruse Belta .

Kjo erdhi gati një vit pasi gazeta e Minskut, Vot Tak, raportoi se ushtria bjelloruse nuk ka forcën dhe as motivimin e duhur për të marrë pjesë aktive në luftë. Megjithatë, pas mbërritjes së Prigozhin në Bjellorusi, presidenti ukrainas Volodimir Zelenski i urdhëroi komandantët e lartë ushtarakë të forconin sektorin ushtarak verior të Ukrainës. Edhe pse gjenerali i lartë ukrainas Serhi Naev tha se nuk ishte i pashmangshëm “asnjë kërcënim i drejtpërdrejtë i veprimeve sulmuese” përtej kufirit.

Vagner po ndërton bazat e reja në Bjellorusi, a do të ketë

Roli i Llukashenkos në ndërmjetësimin e marrëveshjes Putin-Vagner ngre më tej pikëpyetjen nëse kjo ishte një përpjekje pro-aktive për të zbutur situatën, për të cilën Deutsche Welle lë të kuptohet se mund ta forcojë pozitën e e Llukashenkos, apo nëse atij iu bë presion për ta bërë këtë nga aleati i tij Putin, që mund të mos ketë qenë i gatshëm të negocionte personalisht pasi e denoncoi si një “thikë pas shpine” kryengritjen e Vagnerit.

A mund të nënkuptojë roli i tij në negociatat me Vagner, se Lukashenko po shfrytëzon rastin për ta shpallur veten si një ndërmjetës në rajon? Të dielën, një ditë pas marshimit të Vagner drejt Moskës, Oleksi Danilov, sekretari i Këshillit të Sigurisë Kombëtare dhe Mbrojtjes së Ukrainës, shkroi se e përjashton mundësinë që Llukashenko të marrë pjesë në negociatat midis Rusisë dhe Ukrainës.

Natyrisht, për ukrainasit Minsku është një vend jo shumë i preferuar kur bëhet fjalë për perspektivën e negociatave. Marrëveshjet e armëpushimit të arritura në kryeqytetin bjellorus në vitet 2014-2015, synuan t’i jepnin fund konfliktit me separatistët pro-rusë në rajonin lindor të Ukrainës, Donbas.

Por marrëveshjet e negociuara në Minsk, nxitën strategjitë agresive të Rusisë, që çuan në fillimin e pushtimit të plotë të Ukrainës nga Moska më 24 shkurt 2022. Qoftë rruga e luftës apo e paqes, historia mund të kalojë përsëri përmes Bjellorusisë./ “World Crunch” - Pershtatur nga CNA





Lajmet e fundit nga