web counter
LEXO PA REKLAMA!

SHKARKO APP

App Store
Google Play

Zjarret në jug/ Shemsi Prençi: Shërbimet e huaja të interesuara, të nisin hetimet

6 Qershor 2022, 19:08, Aktualitet CNA
Zjarret në jug/ Shemsi Prençi: Shërbimet e huaja të
Shemsi Prençi

Ish-kreu i Emergjencave Civile, Shemsi Prençi, komentoi në emisionin 'Task Force' me Sonila Meçon në "Syri Tv" zjarrin që ka përfshirë ishullin e Sazanit prej tri ditësh dhe dështimin e qeverisë për të vepruar.

Prençi bëri një deklaratë të fortë kur tha se shërbimet e huaja janë të interesuara për zjarre në jug të Shqipërisë, në zonat bregdetare, ndërsa i bëri thirrje SPAK-ut të hetojë se përse nuk kemi asnjë mjet ajror e detar për të vepruar në situata emergjente.

Prençi deklaroi se prej 4 vitesh asnjë helikopter ‘Cougar’ dhe asnjë tjetër nuk ngrihen përveç atij qeveritar që është funksional për lëvizjen e zyrtarëve.
“Me atë të qeverisë lëvizin vetëm qeveritarët. Tashmë përdoret për mbikqyrje për t’ia shitur publikut që, ja kemi një helikopter.

Si ka mundësi, personalitete të qeverisë dhe të strukturave drejtuese për menaxhimin e krizave kalojnë deri në papërgjegjshmëri duke thënë se metoda më efikase është të fikësh zjarrin me kazma e lopata për të fshehur mosgatishmërinë e helikopterëve për t’iu përgjigjur operacioneve ajrore për të fikur zjarrin si në rastin e Sazanit.

Po na godasin zjarret në zonat turistike. Pse pikërisht në bregdet? Ka pasur një raport të hollësishëm të shërbimit informativ shtetëror për disa tendenca edhe për shërbimet e huaja për zjarret në Shqipëri.

Nuk është analizuar kurrë, ka pasur interesa të shërbimeve të huaja për të pasur zjarr në Shqipëri. Sidomos në zonën bregdetare, e them me bindje të plotë. Nuk pyet kush për sigurinë kombëtare në Shqipëri.

I bëj thirrje SPAK-ut të hetojë se përse Shqipëria nuk ka asnjë mjet ajror dhe detar për të operuar për situata emergjente.” -tha Prençi./CNA.al





Lajmet e fundit nga