web counter
LEXO PA REKLAMA!

SHKARKO APP

App Store
Google Play

“Situata kritike në Ishullin e Sazanit”/ Peleshi: Tymi rrezikon qëndrimin në zonë

6 Qershor 2022, 10:04, Aktualitet CNA
“Situata kritike në Ishullin e Sazanit”/ Peleshi: Tymi rrezikon
Pamje nga aksioni për shuarjen e zjarrit në Ishullin e Sazanit

Ministri i Mbrojtjes, Niko Peleshi, ka dhënë informacione rreth situatës së zjarrit në Ishullin e Sazanit.

Përmes një postimi, ministri njofton se situata mbetet kritike, pasi era po favorizon përhapjen e flakëve.

Gjithashtu bën me dije se janë shtuar numri i forcave të efektivëve të angazhuar për shuarjen e flakëve.

Ministri thekson se tymi i shkaktuar nga zjarret rrezikon qëndrimin në zonë, ndërsa vijojnë përpjekjet për të mbatjur situatën nën kontroll.

“Prej orëve të para të ditës ka rinisur puna për shuarjen e zjarrit në ishullin e Sazanit. Situata vijon të jetë kritike, pasi flakët përhapen për shkak edhe të erës. Është shtuar numri i efektivëve që janë angazhuar në aksionin e shuarjes së zjarrit, me pjesëtarë të Flotiljes Detare në Pashaliman, efektivë të Forcave Speciale, zjarrfikëses së Vlorës dhe vullnetarë.

Tymi i krijuar rrezikon qëndrimin në zonë, ndërsa përpjekjet po vijojnë për të mbajtur situatën nën kontroll”, shkruan Peleshi./ CNA.al





Lajmet e fundit nga