web counter
LEXO PA REKLAMA!

SHKARKO APP

App Store
Google Play

Zjarri në Sazan/ Manjani: Ne kemi ushtri skrapi dhe tenderash sekretë

6 Qershor 2022, 16:18, Aktualitet CNA
Zjarri në Sazan/ Manjani: Ne kemi ushtri skrapi dhe tenderash sekretë
Ish-ministri i Drejtësisë, Ylli Manjani

Ish-ministri i Drejtësisë, Ylli Manjani, ka reaguar ashpër për djegien e ishullit të Sazanit dhe për komentet pas lirimit nga detyra të Bajram Begajt, nga posti i shefit të Shtabit të Përgjithshëm të Forcave të Armatosura.

Me anë të një statusi në rrjetet sociale, Manjani thotë se arsyetimi se ushtria nuk mund të fikë zjarret pa Begajn janë idiote dhe të fyejnë inteligjencën.

Ai e cilëson ushtrinë tonë si ushtri skrapi dhe tenderash sekretë, ndërsa deklaron se asnjëherë nuk ka mjetet e duhura kur i duhen vendit.

“Pash zotin e madh boll me këtë arsyetimin idiot se meqë iku Bajrami, ushtria është e pamundur të fikë zjarret!

Është aq idiot sa edhe të fyen inteligjencën kur e lexon.

Përpiquni të kuptoni se me apo pa shef Bajramin, ushtria jonë kjo është. Asnjëherë nuk ka mjetet e duhura kur i duhen vendit. Kurrë s'i ka patur e as do ti ketë. Ushtria jonë është ushtri skrapi, tenderash sekretë.

Së dyti, shfokusoni vemendjen nga zjarret tek mungesa e një zyrtari që quhet Shef i Shtabit të Përgjithshëm. Krejt pa lidhje!  I jepni kështu një shans të artë qeverisë së propagandës që të ofrojë një zgjidhje të menjëhershme, shefin e ri të Shtabit.

Dhe u rregullua ushtria pas kësaj?! Do i zbulojë sekretet e tenderave?! Do bëhet si dyqanet e Victoria Secret, dmth paguaj që të blesh "sekretin"?!!

Përse bëheni tuhaf?!”, shkruan ish-ministri./ B.A. – CNA.al





Lajmet e fundit nga