web counter
LEXO PA REKLAMA!

SHKARKO APP

App Store
Google Play

Vizita e Fortlumturisë së Tij/ Kryepiskopi Joan në Shkollën Teologjike të Halkit

16 Qershor 2025, 21:14, Aktualitet CNA

Vizita e Fortlumturisë së Tij/ Kryepiskopi Joan në Shkollën

Në vijim të vizitës së tij zyrtare në Patriarkanën Ekumenike, të hënën më 16 qershor 2025, Fortlumturia e Tij, Kryepiskopi i Tiranës, Durrësit dhe i gjithë Shqipërisë, Imzot Joani dhe delegacioni që e shoqëron, zhvilloi një vizitë në ishullin Halki, në Manastirin e Shën Trinisë ku ndodhet dhe Shkolla e mirënjohur, Teologjike e Halkit.

Pas mëngjesit të organizuar nga Komuniteti i Neohorit të Bosforit, Fortlumturia u nis në orën 10:30 me anije nga porti i Neohorit drejt Halkit, i shoqëruar nga Mitropoliti i Kidonive, z. Athinagora, dhe nga dhjakoni Evlogjio, kodikograf i Sinodit të Shenjtë.

Në Shkollën Teologjike, Fortlumturia u prit me nderim nga Hirësia e Tij, Episkopi i Aravisos, z. Kasianos, igumen i Manastirit të Shën Triadhës dhe nga anëtarët e komunitetit murgjëror. Vizita nisi me një moment lutjeje dhe adhurimi në katholikonin e manastirit, pasuar nga një pritje dhe një vizitë në ambientet e shkollës.

Shkolla Teologjike e Halkit, një nga institucionet më të njohura dhe me ndikim në botën orthodhokse, mban një vend të veçantë edhe në historinë e Kishës Orthodhokse Autoqefale të Shqipërisë. Kjo shkollë ka formuar breza të tërë klerikësh shqiptarë, mes të cilëve spikat emri i të Lumurit, Kryepiskopit Kristofor (Kisi), si dhe i shumë hierarkëve e klerikëve të tjerë të Kishës, që kanë marrë formimin e tyre shpirtëror dhe akademik në këtë vend të shenjtë.

Në përmbyllje të vizitës, u shtrua një drekë në nder të Fortlumturisë së Tij, Kryepiskopit Joan dhe delegacionit të Kishës./CNA





Lajmet e fundit nga