web counter
LEXO PA REKLAMA!

SHKARKO APP

App Store
Google Play

Miku i Ramës dhe “vëllai” i Veliajt martohet/ Kryeministri mban fjalim

16 Qershor 2025, 11:34, Aktualitet CNA

Miku i Ramës dhe “vëllai” i Veliajt martohet/ Kryeministri

Miku i Ramës dhe “vëllai” i Erion Veliajt, (kryebashkiakut të arrestuar për vepra të rënda penale), Alex Soros, është martuar më 14 qershor në Hamptons me Huma Abedin.

“NewYork Times”, përmes një artikulli, ka zbuluar detaje nga ceremonia e biznesmenit Soros.

Në mes rreshtash zbulohet se kryeministri Edi Rama ka qenë i pranishëm në ceremoninë martesore, madje ka qenë një nga personazhet që ka mbajtur dhe fjalim në dasmën e mikut të tij, siç e quan ai, dhe “vëllait” të Erion Veliajt, i cili në përgjimet nga burgu i Durrësit përmendte emrin e Alex-it dhe priste ardhjen e tij që të rregullohej gjithçka.

“Përtej familjeve të çiftit, lista e të ftuarve përfshinte znj. Clinton dhe bashkëshortin e saj, ish-Presidentin Bill Clinton; ish-nënpresidenten Kamala Harris dhe bashkëshortin e saj, Doug Emhoff; senatorin Chuck Schumer dhe përfaqësuesin Hakeem Jeffries, udhëheqësit e pakicës demokrate nga Nju Jorku; ish-kryetaren e Dhomës së Përfaqësuesve Nancy Pelosi; personazhe të famshëm si Nicky Hilton Rothschild; figura kulturore si redaktorja e 'Vogue', Anna Wintour; miq të hershëm të Clinton si ndërmjetësja e fuqishme nga San Francisko, Susie Tompkins Buell; dhe personalitete të huaja si kryeministri i Shqipërisë, Edi Rama.

Grupi vokal Boyz II Men performoi në dasmë, sipas dy prej të pranishmëve, dhe midis folësve që mbajtën dolli ishin vëllai i z. Soros, Jonathan, znj. Clinton, znj.Wintour dhe z. Rama”, theksohet në artikullin e “New York Times”./ CNA

 





Lajmet e fundit nga