web counter
LEXO PA REKLAMA!

SHKARKO APP

App Store
Google Play

E fundit!

x

Mesha historike në Patriarkanën Ekumenike/ Mesazhi i Fortlumturisë së Tij, Joanit: Besimi nuk imponohet, por fitohet

15 Qershor 2025, 11:24, Aktualitet CNA

Mesha historike në Patriarkanën Ekumenike/ Mesazhi i

Kryepiskopi i Tiranës, Durrësit dhe gjithë Shqipërisë, Fortlumturia e Tij, Joani ka meshuar në shqip në meshën historike që mbahet në Patriarkanën Ekumenike në Stamboll.

Fortlumturia e Tij, Joani ka kujtuar ringritjen e Kishës Ortodokse Shqiptare pas periudhës së errët të ateizmit.

Kryepiskopi tha se pas dekadash ateizimi, kisha njohu një rilindje të mrekullueshme, me të rinj që kërkuan Krishtin pa e pasur të trashëguar besimin.

Fortlumturia e Tij u shpreh se duhet të flitet jo vetëm gjuha e çdo populli, por dhe gjuha e çdo epoke.

Referuar periudhës së ateizmit, Fortlumturia e Tij, Joani u shpreh se ndonëse trungjet ishin prerë, rrënjët ishin ende të gjalla dhe priftërinjtë që përjetuan ateizmin kanë një zell të madh të shpërndajnë Ungjillin.
 

“Si mund të transmetojmë mesazhin e përtjetshëm të Ungjillit te njerëzit që duken indiferentë. Kërkojmë ta takojmë njeriun aty ku ndodhet jo aty ku duhej të ishte, sipas modelit të Zotit që u kryqëzua për njerëzimin.

Kisha jonë pas dekadash ateizimi njohu një rilindje të mrekullueshme. Të rinj që nuk kishin trashëguar besimin nga prindërit erdhën për të kërkuar Krishtin.

Besimi nuk imponohet, por fitohet. Duhet të flasim jo vetëm gjuhën e çdo populli, por dhe gjuhën e çdo epoke.

Mësuam se mënyra e përulur e jetesës tërheq më shumë se sa shfaqja e forcës. Priftërinjtë që përjetuan ateizmin kanë një zell të madh të shpërndajnë Ungjillin sepse e dinë çdo të thotë të jetosh pa Krishtin.

Në këtë sfidë të madhe të ungjillizimit kuptuam dhe ndjemë se ndonëse trungjet ishin prerë, rrënjët ishin ende të gjalla.

Rënia e regjimit ateist hapi rrugën për rilindjen e kishës. Situata ishte kritike.

Vepra që është kryer në këto 3 dekada është mbreslënëse. Nga hiçi, Kisha e Shqipërisë u krijua fizikisht dhe shpirtërisht. Të flasim gjuhën e bashkëkohësve pa tradhëtuar misionin e përjetshëm”, tha Kryepiskopi./ CNA

 





Lajmet e fundit nga