web counter
LEXO PA REKLAMA!

SHKARKO APP

App Store
Google Play

E fundit!

x

Temperaturat e larta/ Brataj: Po shtohen rastet në urgjencë, si të mbroheni nga i nxehti

13 Qershor 2025, 17:27, Aktualitet CNA

Temperaturat e larta/ Brataj: Po shtohen rastet në urgjencë, si

Me rritjen e temperaturave, kreu i Urgjencës Skënder Brataj ka bërë me dije se numri i thirrjeve në urgjencë po shtohet dita-ditës.

Gjatë një interviste Brataj ka bërë thirrje për kujdes të shtuar ndaj fëmijëve, të moshuarve dhe të sëmurëve kronikë.

Po ashtu ka dhëën këshilla se si të mbrohemi nga i nxehti.

“Ka një rritje të lehtë të rasteve në urgjencë, për shkak të vapës. Janë 20 thirrje më shumë në ditë në krahasim me majin. Është një stinë, që ka luhatje vit për vit. Janë 160 thirrje në ditë për ndihmë në urgjencë. Përgatitje duhet të kenë më shumë me persona që janë më në risk, fëmijët, të moshuarit, por edhe tek të tjerët, patjetër. Duhet të shikojmë mirë filtrat e kondicionerëve, nëse janë ndërruar apo jo.

Kush nuk ka kondicioner, duhet parë nëse dhoma është tepër e rrahur nga dielli. Duhet kujdes nga personat me risk. Kur temperaturat janë të larta jashtë, mund të mbash kondicionerin tek 20-22 gradë. Kur është nxehtë jashtë dhe brenda nuk ka qenë vapë, kur del nga banesa apo vend tjetër, mund të dalësh ngadalë. Kur ke shenja të tilla si veshje e syve apo tjetër, mund të pushosh pak. Virozat e stinës kanë të nxehtin aleat të tyre. Kur je sëmurë shumë, duhet të kërkosh ndihmë. Jeta sedentare ka ndikuar negativisht në sëmundje edhe tek moshat nën 60 vjeç. Duhet të keni kujdes me ushqimet, të jenë të kontrolluara.

Po e nxore nga frigoriferi uhqimin, mos e fut më. Kur është nxehtë, gjeni një hije, pemë etj. Një goditje në tru, mund të vijë edhe nga dielli i madh. Duhet të vishemi kryesisht me rroba të bardha, e mira do ishte vendosja e kapelës, edhe syzet janë një gjë e mirë. Qytetarët të lajnë sa më shumë duart, personat me risk të përpiqen të mos dalin nga ora 11 deri në orën 17:00. Edhe pirja e lëngjeve rekomandohet. Duhet pasur kujdes me foshnjat, fëmijët dhe të moshuarit”, tha Brataj./ CNA





Lajmet e fundit nga