E fundit!

07:18 Aktualitet

Këshilli i BE-së miraton sot heqjen e tarifave roaming me vendet e Ballkanit Perëndimor

Këshilli i Bashkimit Europian pritet të miratojë ditën e e...

"Keni kryer vepra të mëdha e të mrekullueshme"/ Vlerësimet e Patriarkut Vartholome për Fortlumturinë e Tij, Joanin

16 Qershor 2025, 15:24, Aktualitet CNA

"Keni kryer vepra të mëdha e të mrekullueshme"/

Ditën e diel, në kishën historike të Shën Gjergjit në Stamboll (Konstandinopojë), Kryepiskopi i Tiranës, Durrësit dhe i gjithë Shqipërisë, Fortlumturia e Tij, Imzot Joani, bashkëkryesoi Liturgjinë Hyjnore me hierarkë të pranishëm të Patriarkanës Ekumenike, të drejtuar nga Tërëshenjtëria e Tij, Vartholomeu.

Në fjalën e mbajtur, Patriarku Vartholome vlerësoi figurën e Fortlumturisë së tij Joanit, për të cilin tha se e ka njohur për vite me radhë si bashkëpunëtorin më të çmuar të Kryepiskopit Anastas.

Gjithashtu Patriarku u ndal dhe te veprat e Fortlumturisë së Tij, Joanit, për të cilat tha se mirëbërja e tyre nuk kufizohet vetëm brenda ortodoksëve, por përhapet në gjithë popullin shqiptar.

“Ju kemi njohur, Fortlumturia Juaj, për shumë vite me radhë si bashkëpunëtorin më të besuar dhe më të çmuar të paraardhësit tuaj të ndjerë, të paharruarit dhe të papërsëritshmit Kryepiskop Anastas, këtij Apostulli të Ri të Shqipërisë! Së bashku keni mbajtur me shumë durim vapën e ditës dhe të ftohtin e natës për më shumë se tridhjetë vite të vështira! Së bashku keni rrezikuar, jeni munduar për hir të Ungjillit dhe të popullit të Zotit, dhe keni kryer vepra të mëdha dhe të mrekullueshme, mirëbërja e të cilave nuk kufizohet vetëm brenda rrethit të të krishterëve orthodhoksë, por përhapet në tërë popullin shqiptar, pa dallim feje.

Gjithashtu, bashkë me të ndriturin Anastas, e bëtë edhe më të ndritshme praninë e Kishës së Shqipërisë në Sinodin e Shenjtë dhe të Madh të Kishës Orthodhokse, që u mbajt në Kretë, pikërisht nëntë vite më parë, dhe kontribuat me vendosmëri, bashkë me peshkopët e tjerë bashkëshërbestarë, në suksesin e punimeve të saj!

Është e kuptueshme, pra, se gëzoni një vlerësim shumë të lartë në këto oborre të shenjta dhe keni një vend të posaçëm në zemrat tona! Ndaj ndihuni me gëzim, me plot liri dhe rehati mes nesh, ashtu si ndiheni në shtëpinë e prindërve tuaj! Krishti është në mes nesh, duke na bekuar dhe shenjtëruar ne dhe marrëdhëniet tona vëllazërore ndërkishtare", u shpreh Patriarku Vartholome.