web counter
LEXO PA REKLAMA!

SHKARKO APP

App Store
Google Play

Viti i Ri/ Urimi i kryebashkiakut Filo: 2026 vit besimi dhe zhvillimi për Korçën

31 Dhjetor 2025, 16:49, Aktualitet CNA

Viti i Ri/ Urimi i kryebashkiakut Filo: 2026 vit besimi dhe zhvillimi për

Kryetari i Bashkisë Korçë, Sotiraq Filo, ka përcjellë urimin e Vitit të Ri 2026 për të gjitha familjet korçare, në qytet dhe në fshat, duke u uruar shëndet, fat dhe mbarësi.

Kryebashkiaku u shpreh se viti 2026 duhet të nisë me besim, punë dhe përkushtim, duke vënë theksin te solidariteti dhe mbështetja për shtresat në nevojë.

Ai bëri thirrje për angazhim të përditshëm në funksion të zhvillimit dhe përparimit të Korçës.

Në përfundim të urimit të Vitit të Ri, kryetari i Bashkisë Korçë, Sotiraq Filo, uroi që viti 2026 të jetë një vit suksesi, bashkëpunimi dhe arritjesh të reja për qytetin dhe për të gjithë banorët e tij.

 

Urimi i Sotiraq Filos

 

Në këtë prag të ndërrimit të viteve, dëshiroj t'u uroj një vit të ri 2026 me shëndet, fat dhe mbarësi për çdo familje korçare. Në qytet edhe në fshat.

Në këtë vit Korça hyn me një titull të rëndësishëm, 'Qyteti Europian i Sportit', i cili përfaqëson frymën dhe energjinë e një qyteti që ndryshon çdo ditë.

Le ta fillojmë vitin e ri 2026 me besim, me punë, me përkushtim, me mbështetje për ata që kanë më tepër nevojë. Le të punojmë çdo ditë për Korçën që ecën përpara.

Gëzuar vitin e ri 2026!





Lajmet e fundit nga