E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

"Abuzuesit më të mëdhenj janë ata që me molotovë, djegin institucionet"/ Mesazhi i veçantë i Gjergj Lucës për festat e fundvitit

30 Dhjetor 2025, 15:49, Aktualitet CNA

"Abuzuesit më të mëdhenj janë ata që me

Sipërmarrësi dhe biznesmeni i suksesshëm, Gjergj Luca ka ndarë në rrjetet sociale mesazhin e tij të veçantë për festat e fundvitit krahas stafit dhe punonjësve të “Rozafa Fish City”.

Gjatë mesazhit të tij, biznesmeni ka pasur një thirrje për zyrtarët që abuzojnë më taksat e qytetarëve, ndërsa gjithashtu ka pasur edhe një mesazh për opozitën që proteston me molotovë.

Sipas tij sulmet me molotovë vijnë sepse nuk duan që Shqipëria të anëtarësohet në Bashkimin Europian. Biznesmeni thotë se nuk e duan anëtarësimin, për shkak se nuk do të kenë më mundësi të vjedhin taksat e qytetarëve.

"Na erdhi momenti edhe ne të bëjmë një përshëndetje përpara, përpara gjithë miqve tanë dhe përpara gjithë kolegëve tanë që punojnë në të gjithë Shqipërinë. A jemi gati apo jo?

Unë kam një pyetje për ju motrat e mia: A jemi më mirë se vjet sivjet apo jo? A jemi më mirë si vjet sivjet apo jo?

A e dëgjuat ju që ne jemi më mirë apo nuk e dëgjuat? Kam dy fjalë me këta që unë ngatërrohen nëpër rrjetet sociale për ju. Këta zotërinjtë që gërthasin “korrupsioni, korrupsioni”, ato lekët e korrupsionit janë lekë që dalin nga duart tuaja, nga taksat tuaja edhe nga pagjumësia ime edhe nga vrapimi im. Është ashtu apo s'është ashtu? Pra ju vjedhin juve!

Dhe të kenë turp t'i shohin gjithë këto portrete të një pjese të Rozafës, sepse pjesa tjetër është e gjitha në shërbim dhe nuk ka ditë pushimi sepse janë nëpër reparte shërbimesh, janë në det, janë në ujë, janë në ferma, janë në restorante. Dhe kjo pjesë këtu është e vetmja pjesë që ka mundësi ditët e festave t'i festojë me familjet edhe të hajë gjelin e detit.

Këta njerëz që abuzojnë me taksat edhe me duart e këtyre njerëzve, të shkojnë te vendi. Por unë kam përshtypjen që abuzuesit më të mëdhenj të këtij vendi janë ata njerëz që nëpërmjet korrupsionit të tyre, nëpërmjet molotovëve të tyre, djegin institucionet. Dhe nuk i gjuajnë institucioneve, por i gjuajnë mbi këta njerëz gjithë ato molotovë. Sepse këta njerëz i lënë brenda gardheve, sepse këta njerëz i lënë brenda kufijve, sepse nuk duan të shpërthejnë kufijtë, sepse nuk duan që të gjithë këta njerëz të jetojnë më mirë. Është ashtu apo s'është ashtu?

Tani i them këto fjalë sepse në rast se shpërthejnë ato gardhet e Komunitetit Evropian, të gjithë këta njerëz që kanë një pjesë të familjes nëpër Evropë e dinë shumë mirë që ushqimet do të bien me 40%, që ato televizorët, lavatriçet, frigoriferët që blini do të bien me 40%. Që jetesa e këtyre njerëzve, te rrobat, te e përditshmja, do të bjerë me 40% se nuk do të ketë më gardhe. Sepse ne që të gjithë produktet tona që dalin nga duart e këtyre, do ikin pa kufi atje dhe do paguhen më mirë dhe jetesa e këtyre do të jetë 50% më e lartë.

Dhe këta plehra, këta bizneslesha që blejnë dhe shesin dhe që kanë kompromis me politikën e ndyrë, këta janë njerëzit më plehra bashkë me politikën që nuk duan të hapen kufijtë, po gjuajnë me molotov sepse duke pasur kufij, këta njerëz vjedhin mbi këta njerëz të varfër dhe nuk ndryshojnë jetesën e këtyre.

Kështu që më dëgjoni mirë! Do të ngrej gjithë prodhuesit dhe kush hedh më molotov dhe nuk i bashkohet thirrjes së këtyre njerëzve, të ‘90, ta bëjmë Shqipërinë si Evropa, të heqim gardhet, do t'i nxjerr gjithë prodhuesit përpara partive të ndyra dhe do t'i gjuajmë ne me molotov këtyre partive në qoftë se këta na pengojnë për të hyrë në Evropë. A jeni dakord apo jo? A jeni dakord? Çoni duart përpjetë të gjithë!

Gëzuar! Edhe ky ishallah të jetë viti i fundit që ne shkëputemi nga horrat, dhe nga padrejtësitë, dhe nga plehrat. Rroftë Shqipëria, rrofshi ju, rrofshin këto zogjtë e u rritshin, me babë, me nënë në Shqipëri e u trashëgofshin! Gëzuar, gëzuar, gëzuar!”, shprehet biznesmeni në videon e postuar. /CNA

View this post on Instagram

A post shared by CNA.al (@cna.lajme)