web counter
LEXO PA REKLAMA!

SHKARKO APP

App Store
Google Play

E fundit!

x

Viti i heshtjes për humbësin serial të PD-së, Lulzim Basha

30 Dhjetor 2022, 19:00, Aktualitet CNA
Viti i heshtjes për humbësin serial të PD-së, Lulzim Basha
Lulzim Basha, ish kreu i PD-së

Lulzim Basha, njihet ndryshe si humbësi serial ose “gjumashi ekselent”, i cili e shkatërroi Partinë Demokratike, duke e lënë në opozitë prej 8 vitesh.

Humbjet e njëpasnjëshme dhe vendimet për interesat personale dhe mbajtjes peng të karriges së kryetarit çuan në dërrmim partinë, aq sa mori guximin dhe përjashtoi liderin e demokratëve nga PD-ja, një vendim ky, që përveç humbjeve në seri, nxiti edhe demokratët ta braktisnin masivisht.

Kulmi ishte dështimi i zgjedhjeve vendore të 6 marsit, ku doli i treti në të gjitha bashkitë që kandidoi.

Pas kësaj u vu nën trysninë e të gjithë demokratëve të irrituar për dështimet e tij të njëpasnjëshme, dhe në 21 mars të 2022, ndodhi ajo që në fakt duhet të kishte ndodhur shumë më herët, dha dorëheqjen nga kreu i Partisë Demokratike duke lënë si të komenduarin e tij Enkelejd Alibeajn.

Që pas dorëheqjes, Basha u zhduk nga skena e politikës si me “shkop magjik”. Nuk u pa në asnjë deklaratë, në asnjë emision, herë-herë kur i dilte gjumi postonte në rrjetet sociale dhe ndonjëherë mund të shfaqej edhe në Kuvend.

Deri më tani e vetmja gjë që ka bërë është të heshtë dhe ashtu në prapaskena udhëzon skenare, duke përdorur si mashë deputetin Enkelejd Alibeaj, me Gazment Bardhin e Jorida Tabakun.

Kështu iku dhe viti 2022 për Bashën, në letargji me plot dështime, humbje të njëpasnjëshme. / CNA.al

 





Lajmet e fundit nga