E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Vidhte para dhe sende me vlerë në biznese/ Arrestohet 27-vjeçari në Shijak

25 Nëntor 2025, 09:53, Aktualitet CNA

Vidhte para dhe sende me vlerë në biznese/ Arrestohet

Një 27-vjeçar është arrestuar nga policia, pasi vidhte shuma parash dhe sende me vlerë në biznese në zonën e Shijakut. Në pranga është vënë i riu me iniciale R.T.

Policia ka zbardhur dhe dokumentuar tri vjedhje në market dhe në dy biznese në fshatrat Borak dhe Xhafzotaj të Shijakut. Gjithashtu po punohet për dokumentimin e disa vjedhjeve të tjera që dyshohet se janë kryer nga 27-vjeçari.

Në cilësinë e provës materiale, këtij shtetasi i janë sekuestruar rrobat e përdorura gjatë kryerjes së vjedhjeve.

Njoftimi i policisë:

Shijak

Finalizohet operacioni policor i koduar “Shumat”.

Vidhte shuma parash dhe sende me vlerë në biznese në zonën e Shijakut, identifikohet, kapet dhe vihet në pranga 27-vjeçari.

Zbardhen dhe dokumentohen tre vjedhje në market dhe në dy biznese dhe vijon puna për dokumentimin me prova ligjore të disa vjedhjeve të tjera, të dyshuara se janë kryer nga ky shtetas.

Specialistët për Hetimin e Krimeve të Komisariatit të Policisë Shijak, pas një pune intensive për zbardhjen dhe dokumentimin ligjor të disa vjedhjeve të ndodhura në biznese në zonën e Shijakut, organizuan dhe finalizuan operacionin policor të koduar “Shumat”.

Në kuadër të operacionit u bë kapja dhe ndalimi i shtetasit R. T., 27 vjeç, banues në Shijak.

Nga veprimet hetimore ka rezultuar se ky shtetas dyshohet të jetë edhe autori i tre vjedhjeve të kryera më herët në biznese të ndryshme në zonën e Shijakut, ku ka vjedhur shuma parash dhe sende me vlerë dhe aksesorë të ndryshëm.

Në bashkëpunim me Prokurorinë vijon puna për zbardhjen dhe dokumentimin me prova ligjore të disa rasteve të tjera të vjedhjes që dyshohet se janë kryer nga ky shtetas.

Në cilësinë e provës materiale, këtij shtetasi i janë sekuestruar rrobat e përdorura gjatë kryerjes së vjedhjeve.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhje”. /CNA