“Çun mami, futja e rakisë në burg dhe fotot provokuese”/ Kalaja zbulon për çfarë e akuzonte Veliaj

5 Maj 2026, 21:54, Aktualitet CNA

“Çun mami, futja e rakisë në burg dhe fotot

Gazetari Aulon Kalaja

Gazetari Aulon Kalaja u shpall i pafajshëm nga Dhoma Penale e Gjykatës së Tiranës, pasi ishte paditur nga kryebashkiaku i arrestuar për 13 akzua të rënda penale Erion Veliaj për shpifje.

I ftuar në emisionin "A Krasta Show", Kalaja u shpreh se nuk e di se ku e kishte gjetur kohën Veliaj nga burgu ta padiste për shpifje.

Gazetari tha se ka një lukuni avokatësh që punojnë për të, duke theksuar se më në fund pas 17 seancash përfundoi gjyqi dhe u shpall i pafajshëm për akuzat që Veliaj kishte bërë ndaj tij.

Kalaja bëri me dije se cilat ishin akuzat për të cilat Veliaj e kishte paditur.

“Akuzohesha se kisha fyer kryetarin e bashkisë dhe kisha thënë se ai është çun mami dhe nuk ka bërë asnjë bëtejë në jetë, i kanë dhënë çëlesat e bashkisë gati, ka abuzuar me fondet e shoqërisë civile. Akuza tjetër ishte për futjen e rakisë në burg ku ai abuzonte me alkoolin në burg. Akuza më “e rëndë” ishte çështja ku kisha përmendur një dalje të tij, me disa foto të famshme ku lëvizja MJAFT vishet me veshje provokuese ku unë kisha përdorur termin shërbime seksuale dhe jo marrëdhënie seksuale”, tha ndër të tjera gazetari.

“Nuk jam vetëm unë rasti por korra një fitore për fjalën e lirë. Gjyqi ka qenë në një moment delikat para disa seancave ku kryetari i bashkisë Tiranë nuk u paraqit por sillte avokatin. Në një moment të caktuar u tha se mund të pushohej gjykimi, por isha unë që doja të gjykohesha për të marrë pafajësinë. Akuzohesha se kisha fyer kryetarin e bashkisë dhe kisha thënë se ai është çun mami dhe nuk ka bërë asnjë bëtejë në jetë, i kanë dhënë çëlesat e bashkisë gati, ka abuzuar me fondet e shoqërisë civile. Akuza tjetër ishte për futjen e rakisë në burg ku ai abuzonte me alkoolin në burg. Akuza më “e rëndë” ishte çështja ku kisha përmendur një dalje të tij, me disa foto të famshme ku lëvizja MJAFT vishet me veshje provokuese ku unë kisha përdorur termin shërbime seksuale dhe jo marrëdhënie seksuale. Për të gjitha këto terma gjykata vendosi pafajësi për mua. Unë kam bërë një betejë shumë të fortë ligjore duke mos tërhequr asnjë pretendim apo deklaratë timen publike, ku i kemi marrë pikë për pikë videot dhe i kemi analizuar në gjykatë”, deklaroi Kalaja./ CNA