web counter
LEXO PA REKLAMA!

SHKARKO APP

App Store
Google Play

Malltezi: Toka nuk shkon te pronari se duhet ta vjedhë Carlo Bollino

5 Maj 2026, 15:39, Aktualitet CNA

Malltezi: Toka nuk shkon te pronari se duhet ta vjedhë Carlo Bollino

Jamarbër Malltezi ka folur pas shtyrjes së seancës gjyqësore për shkak të mungesës së botuesit Carlo Bollino, i cili e ka paditur për shpifje.

Malltezi akuzoi kryeministrin Edi Rama se tokat nuk i kthen te pronarët, por i ndan te Carlo Bollino. 

"Carlo shkëlqeu me mungesën e tij. Së dyti, sot morëm vesh që SPAK-u as përgjigje nuk i jep, jo më që është i detyruar t'i japë dokumente gjykatës, po as përgjigje nuk i jep. Pra, afërmendsh, SPAK-u e konsideron veten mbi gjykatat. Altin Dumani e tha afërmendsh, gjykatat duhet të çbëjnë atë që themi ne. Ne e morëm vesh sot që gjykata ka dy shkresa prej një viti që presin përgjigje, nuk ka as përgjigje. Imagjinoni ku jemi. Sa për provat. Urdhëro ku keni një nga këto provat. Do të tregojmë këtë planin, është me firmën e Lul Bashës e disa drejtorëve. Po doni mund t'i thërrasim edhe drejtorët si dëshmitarë. Është shkollë e cila do të zhvillohej te plani i detajuar vendor i nënnjësisë 7/22.

Dhe më pas, siç e dini, janë katër VKM nominative në emër të Carlo Bolino-s. Në këtë tokë që ka qenë tokë e fisit Begeja dhe e Llagamit e të tjerë. Llagami, meqenëse kishte Nauretën, i mori paret mbrapsht. Begejat jo. Begeja duhet të shkojë në burg. Këtu jemi. Pra, të nderuar qytetarë, ju që e keni pensionin mizerabël, tokën, nuk shkon te pronari se duhet ta vjedhë Carlo, po edhe arte, bunkarte çfarë janë, prapë Carlo. Juve rrini me ato pensione, sepse tokat duhet t'i ndajë Edi Rama, nuk duhet të shkojnë te pronari. Kjo është gjithë fabula e kësaj gjëje", tha Malltezi. /CNA





Lajmet e fundit nga