web counter
LEXO PA REKLAMA!

SHKARKO APP

App Store
Google Play

"Avokati mashtroi"/ Kalaja: Bollino refuzon të marrë pjesë në një proces që e ka iniciuar vetë

5 Maj 2026, 14:43, Aktualitet CNA

"Avokati mashtroi"/ Kalaja: Bollino refuzon të marrë

Avokatja Adriana Kalaja ka folur nga Gjykata e Tiranës pas seancës, ku Carlo Bollino ka paditur për shpifje, deputetin Belind Këlliçin dhe Jamarbër Malltezin.

Kalaja tha se Bollino refuzon të marrë pjesë në një proces që e ka iniciuar vetë. Avokatja tha se avokati mbrojtës i Bollino-s, në një seancë të mëparshme mungoi me arsyetimin se kishte një fatkeqësi familjare dhe në të njëjtën ditë mori pjesë në një proces civil.

Për këtë mashtrim, tha Kalaja, i është kërkuar gjyqtares që t’i drejtohet Dhomës së Avokatisë për masë disiplinore. Masë të cilën, avokatja u shpreh se do ta bëjnë dhe vetë.

Sa i përket seancës së sotme, Kalaja deklaroi se gjykata është tërhequr për një seancë tjetër për t’u shprehur në lidhje me kompetencën.

 

“Refuzon të marrë pjesë në një proces që e ka iniciuar vetë. Avokati nën presionin e një personi tjetër, gënjen dhe mashtron duke thënë se mungoi për një fatkeqësi familjare. I njëjti avokat në të njëjtën ditë ishte në një proces civil. Këtë e ka pranuar vetë sot avokati i Bollino-s. I kemi kërkuar gjyqtares t’i drejtohet Dhomës së Avokatisë për masë disiplinore... kërkesë të cilën do ta bëjmë dhe ne vetë. Filloi ta fuste procesin në një konflikt të panevojshëm duke përsëritur një proces që ne e kemi bërë.

Gjykata është tërhequr për një seancë tjetër për t’u shprehur për kompetencë. Ne i disponojmë provat, por nuk na detyron ligji për t’i paraqitur”, tha Kalaja.





Lajmet e fundit nga